سعود الحافي يكشف لجنة شاعر المليون

[عقاب بن سقيان العتيبي]

عــز الله ان شـاعـر الملـيـون مـــاوده
الا بجمـع الفلـوس ولـو علـى الشـاشـه
مـايـدري انــا نـحــد الـخـصـم ونـلــده
ما جت بنـا يـوم سـرد الخيـل منحاشـه
جينـاه بسـعـود لـكـن خــاف مــا عــده
من خوف ناس على التصويت معتاشه
الشـعـر حـنـا هـلـه ونـعـود فــي جــده
مــادام حـنـا هـلـه مــا يـدخـل انعـاشـه
نغلـيـه غـلـي السـمـع والعـيـن ونـــوده
ونصـب لـه دلـة الهيـلا عـلـى فـراشـه
ونبسط له القـدر وسـط الصـدر ونمـده
نعـز مـن قــدره ونـهـوش مــن هـاشـه
نضـرب علـى هامتـه بالسـيـف ونـقـده
ونخيبـه خيـبـة الـلـي خــاب مطـراشـه
الـلـي هــذا ديـدنـه هــات الـشـعـر وده
طواش بحـر تعـب وش جـاب طواشـه
مـاهـيـب لـجـيـوب خـلــق الله مـنـحـده
الـلـي تـبـا جـيـوب خـلـق الله غشـاشـه
لـو لا خـطـاه الغـبـي مــا كلـنـا ضــده
مـن غـش لـك دلتـه لاتشـرب غراشـه
اخــذه بـازاريـر حلـقـه يـمــك وشـــده
قلـه تـرا الشعـب ديـنـه مـغـرق كـاشـه
جمهورنـا مـن خطـاكـم واصــل حــده
الظلـم لسعـود الاخـطـل مـالـي جـاشـه
شاعـر قبيلـه كبـر فــي صـدورنـا رده
للعبـة يبـا يـصـوت الجمـهـور يابـاشـه
برنـامـج مــن حـرامـه فـايــض بـنــده
وده مــن فلـوسـنـا ماتـفـضـي خـيـاشـه
عـودوا بـعـد شـرهـة الشيـخـان للـكـده
ولا انتـجـوا فرفـشـة لـبـنـان وقـمـاشـه



شعر/ عقاب بن سقيان




شكرا ياخ متعب على موضوعك
تقبل مروري
اتمنى لك التوفيق دائما........