والــعــلوم الــطــيـبـه فـي كـل لـيـلة ....

[طائر الاشجان]

يا احمد الملاح ياولد الحلالي = ماقدحنا الزند في راس الفتيله
ماعليكم زود ياصحاب المعالي = العطاوي والمقاطي ياحليله

[علي خيران العتيبي]

طيب طيب

الليل الليل يا احمد

[احمد الملاح]

والله من اليوم نحدث الصفحه الاولى ما درينا عن هالصفحه هههه

مير استلم ...

ان بغيت انصحك يا طير العلالي=قلت لي ليش الكلام اللي تحيله
يا العطاوي كان ابا شوف العيالي= لازم المترس يجيه اللي يجيله

[طائر الاشجان]

يالمقاطي راس مالك راس مالي = انصح الي ورط الهندي كفيله
عن هذاك الدرب قفلنا المجالي = لاتذٌر الملح فالعين الكحيله

[احمد الملاح]

النصيحه لازمه يا ذا الموالي=كان في سوقك تعرف المستحيله
ان بغيت اشوف ليله مع ليالي = مير نوم العين ما تقدر تشيله

صح لسااااااانك يا العطاوي والنوم يطرق الباب

الختآم عندك اذا احببت .....

[طائر الاشجان]

صح بدنك ختامها مسك من عندك

نووم العوافي وبيض الله وجهك يالمقاطي

[علي خيران العتيبي]

يا سلام
محاوره رائعه والله و كان ودي اتكلملون لكن انشالله تتحفونه بالايام القادمه.
صحت السنتكم.