معركة بقعاء من أشهر المعارك في نجد

[الفراتي]

المشاركة الأصلية كتبت بواسطة المؤرخ1

وراك نسيت الشيخ ساجر الرفدي كان من قادة المعركة

اهلا بالمؤرخ العزيز ..
لاواضح انك مطلّع زين على التاريخ

ياعزيزي ساجر كان معاصر لبرجس المجلاد وطلال بن رشيد ..
ولم يكن معاصر لعبدالله الرشيد وقاعد المجلاد .........

ولم يكن في نجد في معركة بقعاء 1257هـ ..
بل نزل في اول الستينات .. وخرج منها بأول السبعينات ..
وبعدين لو كان حاضر لكان ذكر اسمه ...
بس اللي مع اهل القصيم الدهامشه والصقور فقط .....

تحياتي

[فهد براك الاسعدي]

بيض الله وجهك ياغازي يبن العم ولايهون الجميع

[ترنيدو عتيبه]

مشكووووووووووور يالغالي

[أبوضاري]

يعطيك العافيه

[سنجـار]

غشام نجد


بارك الله فيك على هذا السرد الجميل والمنطقي ...وهذه المعركه كما تفضلت هي معروفه ...

والتاريخ بين القبائل مداول وهو لايعيب اي قبيله ...


الف شكر لك يالغالي ...

[الشهاب2009]

جميلة جدا ومبدع

تسلم

[سفر الاسعدي]

الله يعطيك العافيه

لاهنت بيض الله وجهك

[محمد العتيبي]

لاهنت يالذيب ماقصرت ..

التوقيع

للتواصل عبر twitter تويتر al_bargawy@

[وائلي]

رد الشاعر الخطيب من اهل الرس على ابن رشيد
و يقول

انا احمد الي شدت العشر عشرين
ــــــــــــــــــــــــــــ واهل القصيم اطفو معاميل حايل
ابطو يحسبون البطا يغدي الدين
ــــــــــــــــــــــــــــوالدين مثل الوسم بين القـبايــل
ولا اسبكم يالي على الحرب قاسين
ــــــــــــــــــــــــــــ مير الطغا قطع ايدين الاصــايــل
ويالي ذبحت بشقرة السيف تسعين
ـــــــــــــــــــــــــــ ياعنك فيها ماكسبت النــفايــل
ذبحت ناس لهم يومين مضمين
ــــــــــــــــــــــــــ من الضما قد قلصن الصـــمايـل
ونبي نجيب الفاس ونقطع الغين
ــــــــــــــــــــــــــــ ونذكره عصـر مضى بالاوائــل


وتلاحظ اخوي البيت الي يقول فيه
يالي ذبحت بشذرة السيف تسعين
يعنك فيها ماكسبت النفايل
البيت السابق كان رد على بيت عبيد العلي الي يقول فيه
والي ذبحت بشذرة السيف تسعين
ايضا ولا ني عن طردهم بسائل
ومن الي يذكر في بقعا ان ابن رشيد بعد حاصر اهل القصيم ومنعهم عن الماء صار يمشي بين الاسرى ومعه قربة ماء وكل من طلب ماء ذبحه بالسيف .

وارجو اني ما اكون ازعجتك اخوي بس بغيت ابين بعض الحقايق الي ماعرفتها الا من قريب والا معذور وماقصرت والله شي حلو ان فيه من يهتم للامور ذي الي هي تاريخنا ومجدنا.

ولكن عندما تقرأ عن هذه الوقعه التي حدثت بين أهل القصيم وحلفائها من قبيلة عنزه
تجد قبل هذه الوقعه في نفس هذا المكان وقعات سابقه بين الدهامشه وبين أبن رشيد فقط وأنتصار الدهامشه بها وهي ثلاث وقعات ومن هذه الوقعات فزعة الشيخ غازي أبن ظبيان للمرأه المطرفيه التي سلب حلالها وقام بأسترداده لها من أبن رشيد وهذه القصيده التي قالتها عندما كانت تستنجد بالشيخ غازي أبن ظبيان :

لوا عذابي يوم راحـت جهاجيـل = راجوا عليها مسيحيـن اليدامـي
يا حي والله سربة من هل الخيـل = فوق المهار مثـورات العسامـي
متى تجينا خيل غـازي مقابيـل = تودع علي قطعان خصمه كتامي
عقاب السبايا متعب الكنس الحيل = زيزوم نمرا ما تهـاب الجهامـي
عبدالله الوادي وغازي كما السيل = والسيل ياطأ ما ارتفع من عدامي
بطراف بقعا مثل وبل المخاييـل = تصرخ بها حدب السيوف الهوامي

أنظر الي البيت الأخير من هذه القصيده تجد بأن المكان المسمي بقعا موجود بهذه القصيده وهذا دليل علي هزيمة أبن رشيد بهذا المكان

وسبب هزيمه أهل القصيم وحلفائها من عنزه بالمعركه الأخيره علي حسب الأستنتاج من كبار السن هو أنقسام الدهامشه وعدم مشاركة الشيخ قاعد بن مجلاد وعربانه من الزبنه وأبن صبر وعربانه من السلاطين وأيضا عدم مشاركة الصقور
وسبب عدم مشاركتهم هو أكتفائهم بالغنائم التي سلبوها من أبن رشيد بالمعارك السابقه التي حصلت مع أبن رشيد في بقعاء

أنما المعركة دارت رحاها فقط بين أهل القصيم ومعهم الحليف الذي بقي وهو الشيخ غازي أبن ظبيان وجماعته المحلف من الدهامشه وبين أبن رشيد وهنا أنتصر أبن رشيد فعلا علي أهل القصيم والشيخ غازي أبن ظبيان من الدهامشة


منقووول من منتديات القصيم