عبدالمجيد العطاوي
سلام تسليم الصديق اللّي يعزّ الأصدقا=والأصدقا لولا غلاهم في ضميره ما بدع
جينا وغنّينا ومعنانا على وضح النقا=والقاف هاذا لا يجي له غير سلطان الجذع
سلطان الجـذع
حييت والله لايخيب فيك هقوة من هقااا = لكن لاتبعد عن الحيد الزبين المرتفع
ان جاك سلطان الجذع سيّرك مع درب الشقا = انا حرابي فالمعاني مالي اصحاب وربع :)
عبدالمجيد العطاوي
يحيا جنابك يالجذع ياجعل راسك للبقا=مار السوالف هاتها وانته سفير المجتمع
خابرك مالك في المعاني والطواريق ارفقا=ومقاشر الأصحاب لأجل الملعبة ماله سنع
سلطان الجـذع
بعد تساوا بين خلق الله فرقاك واللقااا = لو قلت لي مانفترق قلت ألك لا مانجتمع
مايعرفون الزبد غير اللي يخضون السقا = يقولها اللي فالثرى له فوق عشرين وسبع
عبدالمجيد العطاوي
لا صرت معنا يالجذع نيّتك قشرا وامحقا=قلنا لك ابعد عن مماشينا .. لا يامال الوجع
اللّي يخضّ السعن بالله ياعتيبة وش لقا=مادام طبعك هالسويّا اعرف تراه اقشر طبع
سلطان الجـذع
من لااررتقى فكره يعيش العمر كله ماارتقى = راسه يشيب وفي عيون الناس ينظر له ورع :)
بان الخلل فالفهم والراي المخالف مااتقى = انا احسب انك من دروس الفصل الاول منتفع
عبدالمجيد العطاوي
ترا الجذع ياربعنا لنّ كان حوّل وان رقا=( ماطار طيرٍ وارتفع الاّ على الرقّة وقع ) :)
الرجل يوزن بالعقل والمعتقد والمنطقا=وانته ليا منّا بغينا نبلعك ما تنبلع
طاروق يستاهل
صحة السنتكم