مفروض يعطي ثوبه الحرمة ويلبس ثوبها ..!!

[هيف الجوازي]

اللي مولّع بالضياع يروح لدروب الضياع=واللي مولّع بالمراجل ما يغرّ دروبها
الطّيب بيــِّن ومتعيِّن ما على وجهه قناع=لكن بعض الناس عميا والجَهَل عذروبها
والغيب ما يُعلم لكنّ العقل سـِـيد الإختراع=ليا اشتغل عقلك عرفت الناس وش فـ "قلوبها"
وإن كان ما انته مستفيد من الدّماغ الاّ الصّداع=ما غير حظ الصّيدليّة ما تبور حبوبها
لا صرت ما تتعب على ( والنــِّعم ) قدر المستطاع=صدّت ولفـّت لك ظهَرها واعْطَتِك عرقوبها
وليا تملّكْت الكرم والحكمة وطول الذراع=لا تشغلك نفسك تراك اعطيتها ماجوبها
والواحد اللي لا كريم ولا حكيم ولا شجاع=مفروض يعطي ثوبه الحرمة ويلبس ثوبها

صح لسانك ياوصل

قصيده وافيه من رجال وافي