قصيدة رشيد العتيبي (رائعة)

[** البرقاوي**]

اليكم قصيدة الشاعر الكبير / رشيد الزلامي بعد تنسيقها

الله مـن قلبٍ بـه الـنـار تشـتـب = شبـت وهبـت واستمـرت شبوبـه
قلبآغـدى للهم مــارد ومـشـرب=وماضاع من هم العرب راح صوبه
همآعلى ربـعٍ وهمـآ علـى غـب = باليـوم والساعـه همومـه تلوبـه
والله من عين تصب العبـر صـب=صب القليـب الـي تدالـج غروبـه
ياعبيدانا ماني بضـبٍ ولـد ضـب =يصبـر لياسمـع وينفـخ ذروبــه
انـا عتيبـيٍ عـريـبٍ مـعـرب= ولي ماقفآ كـل الجميـع اشهدوبـه
من سب داري قلت له كب ثم كـب = وارخصت روحي دون داري جلوبه
لـو انسجـن باسبابهـا وأتـعـذّب =صبرت من شـان الوطـن للعقوبـه
والسجن ماهو عيب شـيءٍ مجـرب= يّعلـم المسجـون وش هـي ذنوبـه
يلومنـي خبـلٍ الا مـن تـغـرب= ينسى الوطن خسرو هله يوم جوبـه
فوده مع الظفـران صفـرٍ مكعـب= فطيـس قلـبٍ لـذة النـوم دوبـه
وانـا علـى كـل الجنـوب اتقّلـب = ماذقت حلـو النـوم يـوم اهتنوبـه
واقنب قنيب الذيب في راس مرّقـب =من حرمابـه قـام ينهـش جنوبـه
يجذبني الغربي عصيـرٍ ليـا هـب = ريح الديـار الطاهـره مـع هبوبـه
ريحة هواها مكسـبٍ واي مكسـب = اخير من ريـح البحـر والرطوبـه
عسى السحاب الي من العصر ينصب = دلـت هماليـه وهلـت نصـوبـه
يسقي وطن راع العقـال المقصـب =نجد العزيز وغرب نجـد وجنوبـه
ياديرتي مـا تقبـل الشتـم والسـب =يامنبـع الاســلام دار العـروبـه
يفوز مذهبهـا علـى كـل مذهـب = وعلـى مقلبـت المذاهـب عقوبـه
يحكم بشرع الله والسيـف الارقـب= ولا شق فيها طالـب الحـق ثوبـه

تحياتي النجم المعتلي