سلطان بن دحيم
يالنخيش الربع سوو لك دعايه = كل موقع علقوا لك فيه صوره
وانت شاعر لك مع الشعار رايه = والعرب لو ما تقف معك معذوره
محمد غازي النخيش
صاحبك للعلم مايبغى وصايه=عاينو فالنمر من هاك النموره
كل ماقلته صحيح ولانت تايه=بس كيف العرق يبعد عن جذوره
سلطان بن دحيم
روح يا هاوي على درب الهوايه = لو جزور القوم ما هيب مخشوره
كيف اكرر يا ابيض الشارب خطايه = اخو مريم طامع(ن) فاخوان نوره
محمد غازي النخيش
ماهويت الا السباحه والرمايه=والقمر يفرق عن النجمه بنوره
اتمنى فيك واحقق منايه=المهم صاحبك زين له أموره
سلطان بن دحيم
الوعد يا صاحبي خط النهايه = يقمح اللي سابقه جات معثوره
الك مني سيف يدرك كل غايه = سلته منها الشياطين محشوره
محمد غازي النخيش
ماتعنا من خلايه في خلايه=كان ماجبت الفريد ابكل دوره
ذوق طعم السلسبيل امن البدايه=يروي العطشان ويطيب شعوره
سلطان بن دحيم
ودي انك تتبع درب الهدايه = لين تسكن في عسير وفي قصوره
ذقت يا محمد بما فيه الكفايه = باقي(ن) لك شربة(ن) منها الخطوره
مبدعين
ومبدعين
ومبدعين
صحة السنتكم
« آخـــر الـــمـــشـــاركــــات »
16-May-2009, 11:41 AM
العرض الشجري