أتحدى محللكم ابو فايح ان يكشف معنى سوار الذهب وتركي 2000

[شبل المطران]

حيالله الجميع

اقسم بالله لو دريت ان الموضوع سيكشف اني ما اطرحه وبعد ماشفت رد ابو فايح فكرت اني ماعاد ارد على الموضوع ولكن ليس عيب ان قلت ان ابو فايح كسب التحدي وليس عيب ان يخسر الشخص ويتعلم من خطأه .



ابو فايح خطير خطير خطير


انا ودي ادري وش ادراك باللي بين فلاح وتركي وهي مشكله لايعلمها الا القليل


الحقيقه ياخوان ابو فايح احرجني وكشف المعنى رغم اني كنت اتوقع الا يكشفه لانه معنى قوي


الاخوان اللي فسروا المحاوره الى معاني اخرى اقول لهم

خالي شاعر كبير ومعروف ولن افصح عن اسمه وحضر الحفله ولعب فيها ويقول حاولنا نصلح الاثنين ولكن تركي رفض ذلك .

وفلاح البرازي لعب طاروق واحد فقط مع الشاعر راشد الحلفي وترك الحفل لكي لايسبب مشاكل في حفلة زميلهم حضر ليوجب فقط .

وبعدها طلب سوار الذهب تركي على هذا المعنى


كل هذا شي خاص بين المطران كنت اود الا اكشفه ولكن انا حاولت ان احرج ابو فايح ولكن ابوفايح ماشاء الله عليه مايفوت عليه شي .


الاخ معجب درس لا انساه ولكن ليس هناك احد معصوم عن الخطأ.

[بدر العضيله]

هلا بشبـــــــــل مطيــر .. ونعم فيك وفي خالكـ ..

بس الي يعرف المحاوره ورموزها يتاكد ان مافيه شي يدل على

ان المعنـى فلاح البرازي ..

المحاوره من بدايتها الا نهايتها تدل على ان المعنـى سياسي .

والي يثبت الكلام هذا ردود تركي ..


الدوله اللي عمرت بمعاويه مدري يزيـد
انته توحها على وجهيـن وتوحـي لهـا
اعلم ترا ما كل من يقتل بما يقتل شهيـد
من كوكب الشرق اغنيتها سر في منديلها


راجع بيتين سوار الذهب الذي وضح المعنى فيه .. معنـى سياسي بحت ..

وش يخلي المعنى فلاح البرازي .. وكل رموز المعنى . سياسيه ..؟؟


حتى بدايه الطاروق .. علم الحداد وش كثر الحديد .. بالله عطني اشاره

الا ان المعنى فلاح البرازي .. وش دخل فلاح بالحديد ...؟؟؟

الحديد رمز للأسلحـه والي يثبت كلامي بيته الي ذكر فيه كلمه دوله .






حتـى لو كان هناك مشكله بين تركي وفلاح .. الطاروق هذا بعيد عن
مشكلتــهم ..


راجع المحاوره من بدايتها الى نهايتها . .


تحياتي لك