تعديل لقصيدة الشاعر فهد بن حمود العضياني

[هادي الصماح]

شاش الفكر ينظم جزيلات الأبيات=ابياتٍ أشبه بالسيوف الصقيله
تحمل سلام الطيب وأجمل تحيات=للشيخ أبو ناصر زبون الجميله
الطيب الوافي زبون المهمات=ذخر الحرار ألي تشيل الثقيله
النايف البيطار صقر المنيفات=زبن الرفيق ومرتكا من يجيله
إبن الشيوخ ونسل شيخ الغبيات=يوم القنا وأيام قدح الفتيله
كم جالهم في ماضي الوقت غارات=الترك تشهد يوم راحت ذليله
يوم الشداد ويوم كسب المحيلات=البل حموها والقبايل محيله
أهل القنا والسيف وأهل المروات=شيوخ فعل وساس وأصل وقبيله
ركابة خيول الوغى والأصيلات=يوم الجيوش ويوم ركب الأصيله
سلام يالي لك مع الطيب وقفات=سلام يرقى فوق راس الطويله
لك في مجال المجد بيرق ورايات=البيرق اللي معتلي للفضيله
يامرتكي للمعضلة والثقيلات=تشهد لك عتيبة بكسب الجزيله
الشاهد الله وافين بالجزيلات=مثل البحر واسعد منهو مثيله
الا على طار البحور العميقات=هاك البحر ياشيخ وشهو حصيله
له مدةٍ هايج بليا علامات=تلاطم امواجه ولابرى غليله
بانت مواري علته والخفيات=شفها على شطه شهورٍ طويله
وإن كان فالمعنى براهين وإثبات=يسد عن كثر المعاني قليله
وسلم ودم ماغرد الورق مرات=ومافاح ريح الهيل والزنجبيله

[عبدالرحمن الهيلوم]

صح السااااااانك والسااااااااااااانه