عبدالله الاصعر=
على النشمي حكمنا بالقصاص ولا عنه نشاد=بسيف في يميني يوم اسله يقطـع انفاسـه
على شانه يسوي مثل ماسوو ثمود وعـاد=يموت احسنلّه من اعماله اللي دوّخت راسه
النشمي =
الاصعر ياعتابه يحسبه عنتر ولـد شـداد=على غفله عضياني خشيم مضيع الطاسه!!
واظنه ياعتابه حاكـر الدلـه مـع البـراد=تدخل فالسياسه والولد ماعنده اسياسـه!!
عبدالله الاصعر=
عضياني وجاهد في سبيل الله ماهوب جهـاد=ثبيتي(ن) بلا ملـه عسـا ماتكثـر اجناسـه
انا عندي خبر وانا اعرف المصدر من الميراد=لكن البيت لا تبنيه غيـر مجـوّد(ن) ساسـه
النشمي =
عضياني وطبعك من طبوع الفرس والاكراد=يالاصعر فالشعر يحتاجلك تعليم ودراسـه!!
على راسك نبا نكسر لك الباضه مثل حياد=ولن لحقك ضما في طرقتك نملالك الكاسه!!
عبدالله الاصعر=
انا طبعي على الطاله ورثته من هل الامجاد=لكن انته لحقّك من اليهود عروق دساسـه
هذا حق ابن عمّك عندك انته يوم قدره زاد=وحقك عندنا انت نشيل راسك باشقر الماسه
النشمي =
تقوله مار حنا خابرينك من على الاجـداد=حقيقه طبعكم معروف هلاسـه وملاسـه!!
ظلمت الشعر لو يدريبك حبيب وابن عيـاد=يعزون الادب والشعر في جمهوره وناسه!!
عبدالله الاصعر=
اخذنا قسمنا فالطيب ولنـا فالزمـان شـداد=هل دين اووفا واهل شجاعة روس وفراسه
انا اقول الحقيقـه والحقيقـه مالهـا نقّـاد=ياليت العود عن مسرى الليالي شاف مجلاسه
النشمي =
مادام انته بهذا المنتـدى لازملـك المرصـاد=ولن وسعتو المقهـاه جـا للبـن حماسـه!!
قبل تفرح هل البصره على الاصعر واهل بغداد=نبا كيفاًً يطير ضيقـة الظرمـان وعماسـه!!
عبدالله الاصعر=
على الظباط والله ماتمشّى كلمة الافـراد=نكبّك يالثبيتي فالخفـاره تلـزم حراسـه
تبا تخلف علومك عقب ماطوّل عليك الماد=عليك الليل طال وعندك الافكار منحاسـه
النشمي =
بذلنا الطيب مار انتـه تدورلـك قشـر وعنـاد=زعم للرياسه مـار منتـه راعـي ارياسـه!!
ابن جرشان غرته الهقاوي ضـد ابـن عـواد=وغرق وسط البحر من لا يقيس ويعرف قياسه!!
على راسك نبا نكسر لك الباضه مثل حياد
ولن لحقك ضما في طرقتك نملالك الكاسه!!
على راسك نبا نكسر لك الباضه مثل حياد
ولن لحقك ضما في طرقتك نملالك الكاسه!!
اللي كسرها مستور على راس حياااد
الله يرجك يالنشمي
النشمي
والاصعر
صحت السنتكم
محاورة جميلة ومعنى راائع.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
07-Aug-2009, 10:45 PM
العرض العادي
