مهندس القاف
سلامي على معجب سلامٍ معه بخشيش=على شان معجب صاحبه عمدة الحاره
سلوكٍ ثنين وكل سلكٍ براسه فيش=ولو يلتقون الفيش ماتنطفي ناره
معجب العتيبي
هلا مرحبا ترحيب يامهندس الطيش=عدد ماجحا في قصته زار مسماره
حرار ٍ على طيور السما تنفض الريش=ولا حولت للارض فالارض جباره
مهندس القاف
هديتك ياعماش فروه لاخوك عميش=وهذي تنقص من مقامه ومقداره
ونعمٍ بكم مار انتبه من عقيد الجيش=تنقّص رديفك مكسبه حزة الغاره
معجب العتيبي
عن دروبك القصيا ترا مانشدتك ليش..؟=لكن انتبه والظرف لاتظهر اسراره
دروب الحجاز طوال لكن بها تفتيش=حذاري يصيدك لاتجاوزت راداره
مهندس القاف
ماتقدر تجاوب مير ابا اغششك تغشيش=صلاحيّتك تمنعك من طرحة الشاره
تعذر يامعجب في اللزوم بكبار قريش=عن الواجب اللي يرفع الرجل في داره
معجب العتيبي
لابالله عطيتك علم لكن نفضت الريش=لك اهداف مرسومه والايام دواره
ليا صار فالدعوا مع البينه تشويش=حضوري يسد وعقلي تنوّر افكاره
مهندس القاف
هدفنا نقفل لعبة الضومنه بالشيش=ولاجلك جنيه من الذهب نرخص اسعاره
حضورك ودورك همشوه العرب تهميش=ولا ارخيت طياره ولا اعليت طياره
معجب العتيبي
هدفكم تبون جنود وافراد فالجيش=لكن الشهاده نقص والناس محتاره
شهاتك ماتوكلك ياصاحبي عيش=مدام ان وجهك حط من دونه ستاره
14-Aug-2009, 03:13 AM
العرض العادي
