البدراني ومآخذه على منديل الفهيد رحمه الله !؟

[راس الشلفا]

انت يالعكام

شوف عيال عمكـ وش قالوا
سبوا البدراني وزياده على ذلك
يقولون العدا لابارك الله فالعدا

يعني عدوكم البدراني؟؟؟
وحرب كلها
ماصارت ذي؟؟

وغير ذلك كلام مابي اقوله
عانها عندك بالصفحه الاولى واللي بعدها
سب على حرب وليس البدراني

واذا قال هذا الكلام عاتق بن غيث البلادي
فهذا رأي يخصه هو نفسه
واذا اخطأ البدراني فعاتق اخطأ وخذها معلومه جديده يالعكام



كلكم خطاؤون ..............


نعم قد يخطئ البدراني
ووضح رايه
لكن ليش هالتهجم بالله
على ماذا يدل

والله ماشاركت في منتداكم الا حب فيكم
ونعم القبيله
لكن لهذه الدرجه من التعنصر تصلون
ماتوقعت..
درجه قليله من العلم والفهم والتأني فقط ...!
ماهذا ..
على رسلكم ..
ماهكذا تورد الابل ياعتيبه

الرجال وضح رايه يالعكام

مثل يوم اكلم واحد مااعرفه اول مره اشوفه
ويقول لي انا عتيبي
مثلا واقول له لغااااااااااااك مهو لغا عتيبه
عادي ولافيها شئ
فهكذا كلام البدراني
فلماذا كل هذا التسخط؟؟


خلطت العامي بالفصحى
فعذرا






راس الشلفا

[العكام]

ياراس الشلفا السب مرفوض ولا ندري هم عيال عمي ولا متلبسين بعباة عتيبة لان من قال انا عتيبي او حربي وهو كاذب في هالمنتديات ماحد يدري عن صدقه وكذبه وانا اقول للاخون لاتسبون احد ابدو ارياكم بدون تجريح لحد

والجميع مكلف برفض هالسب ومن شاف سب المفروض يبلغ الادارة في الحال

المشاركة الأصلية كتبت بواسطة راس الشلفا

واذا قال هذا الكلام عاتق بن غيث البلادي
فهذا رأي يخصه هو نفسه
واذا اخطأ البدراني فعاتق اخطأ وخذها معلومه جديده يالعكام

الخطأ وارد ولاحد منزه ولكن خطئ عن خطاً لكن البدراني خطاه ماينترقع لانه وضع نفسه في موضوع يجب عليه ان يكون امين فالي له والي عليه لكن شف وش يقول للبلادي يوم راحله في جدة:

يقول البلادي ينقل كلام البدراني: ( يريدني أن أخفي الشيء الذي يمس قبيلة حرب، وآتي بالذي يمدحها، وهذا ليس بتاريخ )

بالله عليك هذا يستحق ان يعتد به على انه باحث ثقه ونزيه؟؟؟؟؟؟؟؟؟







ياراس الشلفا مهو قصد البدراني ان اللهجة تختلف والدليل هذي قصيدة شليويح العطاوي:

الحمد لله ما عشقـت الرعابيـب=مدري طبع او مبعدتنـي قلاعـه
خاويت شبانٍ على فطّـر شيـب=كم ماردٍ جيتـه تعـاوى سباعـه
ياما لمسنا قرصنـا بالمشاعيـب=وياما دفعناهن ورى الشمس ساعه
كم ليلةٍ عقلتها تضـرس النيـب=وانا اتوحى نبح كلـب الجماعـه
رحت اتخطى كنهم لي معازيـب=اليا رمى عـذب الثنايـا قناعـه
أهدّي الحامي وأَخَطْر الاطانيـب=واندس مهاوية الجمـل باندفاعـه

ولافيها كلمة تدل على انها لغير عتيبي لكنه متعمد ان تنسب لغير شليويح العطاوي

[راس الشلفا]

العكام

مااقول الا ياليت
كل اللي شارك بالموضوع
مثل اسلوبك

نعم ... لتعم الفائدة
ويقنع احد الطرفين بالحجه الدامغه وليس بالتهجم



مقدرلك يالغالي

ولاهنت




اخوك راس الشلفا

[ولد روق]

السلام عليكم:
على حسب علمي ان البدراني يملك مطبعة ..
فلا غرابة في كثرة مطبوعاته ومؤلفاته مما يجعل قيمتها واهميتها التاريخية أقل..