بسم الله الرحمن الرحيم
هـــذهِ قصـــيــده للـــشاعر المرحوم هـــادي بن سهل المري
قالها الشـــاعر عندما كان يصارع المرض في احد مستشفيات امريكا ...
اترككم مع القصيده...
يا مل قلب تختلـف فيـه الافكـار=الله كريـم وطيـب فيـه ظـنـي
وين العرب راحوا طريين الاشوار=اربهـم مـا كفـو الرجـل عنـي
يا من يعلمني من البـدو باخبـار=يخبرهم ان قلبـي عليهـم يونـي
مثل الخلوج اللي ولدها له اضـوار=تسهر تدور له وهـو مـا يحنـي
من دون ربعي للونيتـات مشـوار=ليـل ونهـار والمكايـن تـرنـي
وقلبي يمنيني مع البـدو مصفـار=في مرتع ما هـو يجـي بالتمنـي
مريةٍ يرعـون حسكـات الابـوار=فـي كـل قفـر ترتعـه بالتهنـي
يا زين شدتهم على ذكر الامطـار=غيث به القلـب الشقـي يرجهنـي
من غاب حطوا له على الدار توثار=ما يحترونه وان بغـى مـا يثنـي
ما همهم لو كان يمسي على الـدار=يصبح لاثرهم والسفـر مستظنـي
شدوا مع طلعاتهـا كـل مشكـار=يبرى لها اللي مـا قعـوده يونـي
يا زين شدتهم علـى ذكـر نـوار=ما قبلهـم كـون القبيسـه تغنـي
يا حلو منزلهـم عذبـات الاقفـار=او لا اقبلـوا واولا سلفهـم يبنـي
كل يبي يسبق علـى شبـة النـار=سبق عليها مـن الاجاويـد فنـي
تمايلوا صوبه هل المجـد والكـار=نجره لعطـران الشـوارب يدنـي
توخروا اللي عاد حيرانه صغـار=وحيل العشايـر والبكـار اقبلنـي
وقد نشدها المنشد حسين الكوري المري ..
اتمنى ان تنال اعجباكم