عنتر بن شداد بناخي العضيان من الروقه ,,,, محمد رشيد

[معجب العتيبي]

علي فلاح العضياني

يلوح البرق في نوّ الهجوس و يرعد الرعّاد=عسى ربّي يبارك في خيالٍ لا حت بروقه
بعد بحث و تحرّي عنك يا عنتر و لد شداد=أثرك بناخي العضيان من قبيلة الروقه !!!

محمد بن رشيد

عسى البراق مزنه يسقي ابلاد ويغيث اعباد = يعم الدار والديره من الخفجي ليا دوقه
انا جبت الحقايق لين وردته ليا معتاد =لكن ابناخي العضيان كمّل باقي احقوقه

علي فلاح العضياني

قبيلة حرب حالتهم بعد صياف إبن عوّاد=مثل رضوان يوم الخطّ جنّب ,,, قفّلوا سوقه !!!
هذاه أكبر دليل إنّه يابو مالك عريب أجداد=لكنّ أنته مواقيفك من الشرهات ملحوقه !!!

محمد بن رشيد

لازال الخير باقي في رجال ٍ طيبهم يزداد = ولن راودك شك البحر عانه قدمك وذوقه !!
يازين الصدفه اللي جاتبك عندي بلاميعاد =وانا بيني وبينك قافنا يازين طاروقه !!

علي فلاح العضياني

عن الدلّه يقولون العرب ما يكفي البرّاد=محمد صاحبي ما يتّفق فعله و منطوقه
تهرّج و السوالف خلّها في دربها تنقاد=أنا أعلّمك في نكبة مصر من بعد فاروقه

محمد بن رشيد

تفوح ادلالكم من نارنا اللي جمرها وقاد =لياضبّطتها سقها عسى ماهي بمحروقه !!
تعلمني ! وانا اللي خابر المصدار والميراد = ياراع البكره اللي سابقه ماهي بمسبوقه !

علي فلاح العضياني

انا أبدعس على الابنص لين أنكّس العدّاد=مع الدّرب اللذي يمشي من الطايف لمعشوقه
يحزّن خاطر المسلم لاشاف الوضع في بغداد= و تفجير اللغم و القصف من تحته و من فوقه

محمد بن رشيد

ليا هجيت فأمن الطرق قاعدلك على المرصاد = معك رخصه لكن اللوحه اللي خلف مسروقه !!
اهل بغداد دايم يالعتيبي في عنا واجهاد = بعد كانت مكانتهم مابين الناس مرموقه !!

التوقيع