عقاب العنزي
سلام الله على اهل الصيت واهل المنزل المرموق = وانا لولا المعزه والغلا ماجيت اصادقها
والا ياسعود لك حق وعليك من الرجال حقوق = ياراع الحجه اللي شلتها قدام تنطقها
سعود البرقاوي
هلا يامرحبا يالشاعر اللي يحسن المنطوق = نعرفه فيه دين وسنة محمد يطبقها
مدام انك تبانا نلتفت للمصدر الموثوق = تراني ياولد وايل على الصفحة موثقها
عقاب العنزي
يدوم إبك البقا والحكم تحكم به قبيلة روق = بدون اقصور مير ان العرب تحما مناطقها
اثر لك مدة ٍ تبحث وتفتش داخل الصندوق = وانا ماصدّق الطلقه ولو ثارت بنادقها
سعود البرقاوي
تعيش الشجرة ام غصون وام اوراق وام عروق = وتبقى شجرة الشيطان مطروحه بيارقها
ما اجيب الا الكلام الواقعي واقنعك يامخلوق = وباق الناس لو تهرج دخيلك لاتصدقها
عقاب العنزي
ولايااصحابنا ياللي نويتوا ترخصون السوق = على عهد الوفا ماذم مغربها ومشرقها
بعد ماجيت يمك والغلا يدفع عظيم الشوق = تصدق مابلشت بكاذب العالم وصادقها
سعود البرقاوي
بغينا ننذرك ماودنا الدعوى تجي من فوق = ابو لحية نشوفه لحيته ذا الليل مطلقها
بعد ماجيت رزقك جاك هاك الرزق يامرزوق = تواصيف البشر سبحان خالقها وفارقها
عقاب العنزي
على سلم الرجال الوافيه ياهل الوفا والذوق = واهل صيدا بمنازلها واهل صنعا بصنادقها !!
بعد بكره نشوفك يالنفيعي وسط ذاك الطوق = ولو الود ودك تذبح اصحابك وتحرقها !!
سعود البرقاوي
اهل صيدا علاهم مزنهٍ فيها رعد وبروق = واهل صنعاء مطالبها عسى الحاكم يحققها
تراك اول من احرق لين اصفي دمك المحروق = على حسب الكلام اللي تقول ،، آقول لك ذقها
عقاب العنزي
يقولون البدو نبت الزبيدي حوله الرقروق = وانا آشوفك حوالين العرب ودك ترافقها
والا ياسعود مدام السوالف جات لزم حلوق = انا بقسم جموع الناس من شانك وافرّقها !!
سعود البرقاوي
علامك يالعواجي تختلف فنهاية الطاروق = هذه تهمة كبيرة مير عني روح وافهقها
سياسي والسياسة جتك من عند الملك فاروق = يحاول فالسفينة وسط نهر النيل يغرقها