صاهود
سلامي سلامن ياخذ اسبوع وأيام=ليا غلّق العشره يبيّح كنينه
لقيت البلد يبكي علي حكم صدام=تبيّن مقامه يوم ذاق الغبينه
العمــــــدة
هلا مرحبا لكن يا زاد الايتــــــام=ابو زيد تكــــرم عنك مدة يمينه
على المرجف اللي حل في دار الاسلام=اكبر واحذر من سكن فالمدينه
صاهود
يدوم البقا والعلم تلقاه قدام=ليا رحت انا وياك فوق السفينه
انا مانشدتك عن تفاصيله العام=هدفنا قريب وكلنا خابرينه
العمــــــدة
قبل تشبع بطون العرب خبز وايدام=يموتون قبل يقلطون السمينه
تفرج بعينك في مفســرة الاحلام=ولا تخدع اصحاب العقول الرزينه
صاهود
ورا ماتشيل الفاس واتهد الاصنام=وش اللي يردك وانت راع الدفينه
لو اني محلك ماترك الحق وانام=اصل البيارق لين ارد الرهينه
العمــــــدة
اهل مصر خشرة فالمنابع والاهرام=وراع الفتن مدحــــــور والعقل زينه
لو ان الجبال قصار عدتها الاقـــزام=لكن القزم عنها قصيرة يدينه
صاهود
اجل لاتصيح وترفع الضغط والجام=تصبّر وراع الصبر ربه يعينه
تقدا بعود اثبيت وتشال الالغام=حرام الذهب تتركه وسط الخزينه
العمــــــدة
نلبي ولا نقــــرب محاذير الاحرام=وشرق آسيا ما يعرفون السكينه
رجال المواقف حطموا كل الارقام=لكن العزاء لاهل القلوب الحزينه
« آخـــر الـــمـــشـــاركــــات »
14-Nov-2009, 07:25 AM
العرض الشجري