بسم الله الرحمن الرحيم
اخواني بموقع عتيبه تقبل الله طاعتكم وعيدكم مبارك
قصيده اخص فيها موقع الهيلا حصريا واتمنى من الله القبول اولا واخيرا
يا ذيب عان الونه اللي لا تسر ولا تبوح=وانت اكثر اللي لج منها والردايا طايفه
يبارك الله بالسبب عساه والله ما يروح=وراني اللي كنت قبله حاسب اني شايفه
ان ردت لجرحي.. انا اكثر شخص قاسى للجروح=وان ردت لمثله قبل يرضى تراني عايفه
انا الذي ضحيت وارخيت المناكب للوضوح=وما ابديت كل اللي طرالي باللحون الزايفه
واليوم شفني كل ما جيت او نويت اني بروح=اضحك على الزله وانا مدري بعلم الطايفه
اقدم التسليم من طبعي وانا ماني شحوح=واكنها بالروح لين تصير روحي خايفه
ترى الوفي بلا الوفي ينقص ولو انه نصوح=مهما يدمدم علته دنياه ما هي كايفه
والا الهزال تجيب وتودي بلا مشقات روح=هذي مباديها وتحييها اللحوف الحايفه
رح وين ما ودك وانا من وين ما ودي بروح=بعض المواجع مالها قيمه ولا هي نايفه
الله يحيي كل رجالٍ على الزله دموح=والله يسامح كل زايف والسلوم الزايفه
ماني حمام الدوح يا سود النوايا لاجل انوح=ولاني ضعيفٍ زايمه نفسه على ولايفه
وانا ولد من احتمى الميقاف نطاح النطوح=عسى قلوب اهل الغبون تلوفها لوايفه
والله وانا رماع لا اعرف الهبود ولا الرموح=وكثر السوالف هايفه.. كثر السوالف هايفه
الجمعه 27/ 11 / 2009
آخر تعديل رماع يوم 28-Nov-2009 في 01:38 PM.
« آخـــر الـــمـــشـــاركــــات »
28-Nov-2009, 01:30 PM
الوفي بلا الوفي
العرض العادي
