وحلفت تكفى ما لها الا عتيبه

[الضافر1]

هذه القصيدة اهديها الى سعادةالمهندس ناصر بن غازي الشيباني العتيبي شعر الضافر

بسم الله أبدى والمدايح كثيره = في شخصكم يامروي الطيب طيبه
وسلام قبل الحاج يعلن نفيره = عليك ياراعي العلوم اللبيبه
العام مرت بي ظروف عسيره=وناديت تكفى يازبون الصعيبه
وبشرتني وأفرحت نفساً كسيره = حياتها ما عاد تسوى زبيبه
فزعت عتيبي مالتفت في خشيره=رديف حاتم في الشداد ورتيبه
وكلاً على مرباه يقدى مسيره=وجود الرضى ما هو بجود الغصيبه
وفسحت صدري مثل شبه الجزيره=من بعد جور الوقت مسه لهيبه
ونذرت ياراعي اليمين الشطيره=وحلفت لأحفظ طيبك ياطبيبه
واليوم جيتك والدلايل شهيره=والقول خلاق الأوادم حسيبه
وجاني ولد وأرجي يشيخ العشيره= والشاذليه فالها يستطيبه
وسميت ناصر والله اللي نصيره=سميت بأسمك وانت نفسك مهيبه
عربون شكر من يميناً قصيره= فخراً بكم ياخير من يعتزي به
والمدح قاصر يا مذري قصيره=وصدق المشاعر ما دخل فيه ريبه
واليوم بعد الجدب حالي خضيره=والحمد للي كلنا نلتوي به
وميزت وان النور يسبق بشيره= وحلفت تكفى ما لها الاعتيبه

[عبدالله القثامي]

الضافر1
صح لسانكـ

قصيدة رائعه

سلمت يمناكـ

تقديري

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي

[لطــام العــايل]

صح لسانك وبيض الله وجهك

[الضافر1]

الشاعر عبدالله القثامي

تحياتي وتقديري

على جميل المرور

وكريم السطور


دمت ودام مرورك الطيب

[الضافر1]

لطام العايل

وجهك ابيض يامعدن الطيب


وصح الله بدنك

[مرزوق حمدان العتيبي]

...

صح لسانكــ و ماعليك زود يالضافر ..
قصيدتك وحفظكـــ المعروف يدل على طيب معدنك ... وطيب مجناكـــ

ليتك ذيلتها باسمك الحقيقي واسم قبيلتكـــ

تثبيت وخمس نجوم.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الضافر1]

أخوي الكريم مرزوق بن حمدان العتيبي تحية طيبه

اولاً بيض الله وجهك على التقييم والتثبيت وهذي عوايد كريم الأصل وجميل الفعل

ومن قصة هذه القصيدة أني استفزعت أبو مشعل"المهندس ناصر" بقصيدة لعلي فيما بعد أنزلها في المنتدى وهو لايعرفني وذلك من خلال مكالمة بالجوال فرد عليه بقوله يالحياني ان كان طلبك في وجودي او يجيبه مجهودي أعتبره وصلك فأخبرته ان طلبي في احد الإدارات الحكوميه وفعلا وصلني طلبي الى عنواني

والله يبيض وجهه وجهك .

أخوكم عبيدالله بن امبارك اللحياني

[أبونواف]

صح لسانك وبيض الله وجهك

[فهيد الايدا المورقي]

صح لسانك وبيض الله وجهك


تحيتي

التوقيع

حسابي في تويتر faheed_1234

[الضافر1]

أبو نواف وجهك أبيض ياراعي الشيمه وكريم الأصل

بناخي الايداء صح الله بدنك وحماك من كل سوء ياجميل الفعل وعزيز الأصل