العمده =
الامن السري اللي فاصل اللمبـات=عليه اللوم والشكات مـن حولـه
معه سفتي ورخصه من هل الردات=لكنه صـار لاصولـه ولا جولـه
سعود العصيمي =
الآمن السري اللي مامعاه اثبـات=يبا يسجنـه ويجازيـه ففعولـه.
كثير الظن إثم مار احسن النيـات=وانا معروف الي جوله والي صوله
العمده =
يحاسب روحه اللي تعمل السيات=ولا تعرف تودى واجب الدولـه
تراها صيحةً يحيا بها الامـوات=قبل وبل السحاب يسيل سيولـه
سعود العصيمي =
جميع الناس عن ماتفعله بالذات=من الاعمال والافعال مسئولـه
والا ياصاحبي ماني لهم شمات=ولكن فعلـةٍ ماهيـب مقبولـه.
العمده =
زويت المركبة في طارف اللفات=ولوحتها من الجنبيـن مشيولـه
جنود الواجب اللي تنزل الساحات=مواترها على الشاشات منقولـه
سعود العصيمي =
يقود المركبه رجل معـه قـوات= تضد خصومه ليا قربوا حولـه.
وروح بعيد عنهم تسلم الشرهات=ترا دعواك منقوضه ومفتولـه.
العمده =
ابو قوات يمشي رافع الرايات=نشوفه لليالي مسرج خيولـه
لكن ذياب واخوانه زمنهم فات=خذو في فية المرقاب قيلولـه
سعود العصيمي =
تقوله مار لن راحت علوم وجات=تبا تاصلـك يارجـال مدبولـه.
نبيع ونشتري بريال وجنيهـات=وعقدة حبلهم بالحـل محلولـه.
العمده =
انا صايدك متلحف ثلاث اكـوات=لكنـك لقمـةً ماهيـب ماكولـة
يبيع ويشتري من قال دوك وهات=ومخفي خشتـه يمنـاه مغلولـه
سعود العصيمي =
دخيلك لاتسمع في هـل اللفـات=لباسي بشت اشقر طولي وطوله.
انا وجهي بوجهك وارفع الرايات=ومخفي خشته منهو ووشهولـه.
العمده =
تقولـه والحقيقـة تخلـف الهقـوات=وشوف العين ..محضر ضبط .. مفعوله
على الجرة وطت رجلك عشـر مـرات=ودارك يالجمـل شـقـران مدهـولـه
سعود العصيمي =
ترا الشكه ماتلحق سالم الشكات=وعينك غرتك في علم اتقوله.
ليا زليت لاتزعل من الـزلات=ديار العز باهل العز منزولـه.
العمده =
سريت مع العشاء من دون ونانات=تريد تغطّها .. ماهيـب معقولـه
على القبلة نصلي واكثر المـلات=شعايرها مـع العـراف مجهولـه
سعود العصيمي =
على وضح النقا ماعندنا بسكـات=ياقاض الحق عد الحـق منهولـه.
على القبله نصلي كامل الاوقـات=ومن يخطي السنع والدرب قولوله.
العمده =
مطفي لمبتـــك يا موفي المدات=ونفسك عن حقيقة فيك .. مشغوله
قضينا اللي نريده ياهل الهافات=وكل اللي غدى طاسة وصامولة
سعود العصيمي =
انا مافي شبهه وانت ابك شبهـات=عيونك يارعد من روق مكحولـه.
علوم الشات تبقى من نصيب الشات=وحنـا لابغينـا شـيءٍ انطـولـه.
« آخـــر الـــمـــشـــاركــــات »
03-Dec-2009, 01:44 PM
العرض العادي
