مرشد البذالي

[الشاعر فهد رحيم النفيعي]

قصيدة لشاعر مرشد البذالي

يالله يـارب الضعـوف المساكيـن=اللي لك المخلوق يحسـن صلاتـه
تستر على غوشن صغارن مكفيـن=أكبرهم العـارف دليلـه عصاتـه
لا ياعيالـي كلبـوكـم حبيبـيـن=عندي وعند النـاس كلـن وذاتـه
عندي غلاكم يدفن الزين والشيـن=وعند العرب كلن تشاف اخملاتـه
يا عبيد أنا خابرك ورعن لهالحين=داوي بغبـات الجهـل وظلمـاتـه
لا شك علمي لك محبـه وتفطيـن=تسمـع الوالـد وثبـت وصـاتـه
وصاة مخلوقن يعـرف القوانيـن=مافـاة عمـره بالجهـل والهياتـه
يا عبيد انا بأوصيك منـي بثنتيـن=ثنتين هن سؤ البشـر وحسناتـه
أوصيك لاتبحث سـدود المغيبيـن=ولاتجهر اللـي غارقـن بغفلاتـه
ترى النميمه تمحق الرزق والديـن=والمنـزل العالـي تهـدم اطبقاتـه
لاتحسبن أهـل الظليمـه بخيتيـن=كلن يوافق ما عمـل فـي وفاتـه
وانذرك عن حق الضعيف المسيكينا=للي علـى حقـه يهـل اعبراتـه
ترى الضعيف الليا غدى الليل ليلين=يدعي وعنـد الله توافـق ادعاتـه
الظلم فان الظلم يفنـى السلاطيـن=ياويل راعي الظلـم مـن مقبلاتـه
وانذرك عن ربعة رخو من هياسين=اللـي سوالفهـم بـوده وهـاتـه
ويا عبيد الأقشر لوصفا لك نهارين=نهار ثالث جـاك يرفـع عصاتـه
والله عندي ربعة الناس الأقصيـن=ولا صديقـا يبلشـك فـي حياتـه
ترى الرجال ابهم فهود وحياويـن=جاك الكلام اللـي صحيـح ثباتـه
ان كان ما تدري ترى الناس درين=الرجل مدحـه بالمجالـس طراتـه
رجلن تعلق بـه رجالـن مسميـن=عـز الرفيـق ولابتـه والحماتـه
ورجلن تشوفه جسم وعيون ويدين=ولولا الشعر ما تفرقه من خواتـه
كم واحد بالبيت يضـرب بسيفيـن=وأن جاء حزم كلاب قبـع عبادتـه
والحلم عن الغيض ينجي الشياطين=يكفيك شر إبليس هـو و دحراتـه

[صقر البجاديه]

مشكور نقل مميز

[ابن مغرق]

ويـا عبيـد الأقشـر لوصفـا لـك نهاريـن
نـهــار ثــالــث جــــاك يــرفــع عـصـاتــه
والله عـنـدي ربـعـة الـنـاس الأقصـيـن
ولا صـديـقــا يـبـلـشـك فـــــي حـيــاتــه


الله يبيض وجهك على الاختيار الطيب,,,

تقديري,,

[غشام نجد]

بارك الله بك , شكراً أخي الكريم

[العتيبي أبا غيث]

يعطيك العافية اخي فهد

على النقل الر ائع

دمت بود

[الشاعر فهد رحيم النفيعي]

حياكم الله

أسعدني مروركم

جميعا

[ابورازن فالمريخ]

الله يبيض وجهك على الاختيار الطيب,,,

تقديري,,