نفح العود في نسب آل سعود !! نظرة تأصيلية موضوعية !!

[الفراتي]

أخي : سنجـار

قال فجحان الفراوي هذه القصيدة بلسان الامير محمد بن رشيد :

ياراكـب هجنـن كبـار المثانـي=بين الحجر ومحقبه يـوم يرعـن
بنـات حـر ضربوهـن عمانـي=وجن البكار وصوفهن مثلهن هـن
مستردفيـن فوقهـن شيشخانـي=من قصر حايل فجر الاصباح مدن
ومكلفـات مـن جميـع الاوانـي=كل الكلايـف فوقهـن مايخطـرن
وركابهن من عندنا غـب ثانـي=بديار دسمين الشـوارب يعشـن
شيوخ القبائل يوم ماض الزماني=لما غدا ببخوتهم هن وابـن هـن
تلفي محمد شوق جـال الثمانـي=ولد السعود وخالط الزين في فـن
دنياك هـاذي ماتجـي بالتمانـي=كان انكسر مخباطها والسعد كـن
شوري على كل الرجال الذهانـي=وترى القلـوب الطيبـه مايغّـون
ومني عـدد مابالخفـا والبيانـي=وترى النصايح يافتى الجود يشرّن
حنا الضياغم واصلنـا بقحطانـي=وانـتـم بـنـي وايل صحيحٍ بـلا ظـن
اطعت شـور مريشيـن الاذانـي=وان جوك بيضان الغتر كنهم جن
ينطحك ابو ماجد ليا جيت عانـي=كان اقبلن عوج المراكيض واقفن
كم مصعب خلوه جاء مرجعانـي=بصــيـارم بايـمــانهـم مـا يعـفـن
متسـلـحــيـن الماطلـي والردانـي=وشي مااعرف وصوفهن توهن جن
والزين ماينفع خطات الحصانـي=لياصردن مثل العـدن قفوهن كـن
هذا الكلام اللي ظهر من لسانـي=والامر لله والسبـب واردن مـن؟

ورد عليه الامير محمد بن سعود (غزالان) قائلاً :

بديت ذكر الله علـى كـل شانـي=الواحد المعـبـود بالرشد لـه فـن
وخـلاف ذا ياراكـبـيـن ٍسمـانـي=يشدن شياهين على الجول يهـون
قطم الفخـوذ مقــولمـات الأذانـي=شقر ٍولون أذيالهن لونهن هـن
بتر الفخوذ مـد خـلات الـثـفانـي=أكواعهن لازوارهن مـا ينوشـن
هجـن هجاهـيج ٍ خفـاف ٍ هجانـي=عوص ٍعلى هوز العصا ما يدانـن
أرقابهـن مثـل الجريـد الليانـي=يشدن لريــم ٍ بالسهل يوم ينحـن
إلى اعتليتوا فـوق حيـل ٍسمانـي=داروا على عيـراتكـم لا يخفـن
وإلى انتـحن مع فـج دو ٍ دنانـي=ترى الزمل مالاج بقلـوب أهلهـن
ترحـلــوا منـي حــلـول الاذآنـي=قبل الطيـور لرزقهـن لايطيـرن
مدوا إليا شفتوا سنا الصبح بانـي=من دار جدي ياسعد ويـن يمسـن
بأسفل شعيب سدير عند الشبانـي=قرم ٍ يرحب بالنضا حيـن يلفـن
وعند الفهيـد معـزب ٍ مرحبانـي=كل ٍ يقول بجيرتـي مـا يفوتـن
كل ٍ يجيب من الحطب بالمكانـي=وسوالف ٍ يطرب لها البال وان جن
تلقا رجـال ٍ يفهمـون المعانـي=مجالس ٍ يثنى بهـا رايـب البـن
سيروا لاخو نوره عريب المجاني=والـى لفـن ركابنـا لا يــردن
فلا يحسبني عن بطـاه متوانـي=لازم نـجـيـه بغيـر شـك ٍ ولاظـن
لو كان في برزان زيـن المبانـي=اجموعنـا وجموعكـم بيتـلاقـن
مثل صـلاة الشايـب المذرحانـي=اعرف ترى خمس الفرايض يصّلن
الناس مثل النـاس ما غــط بانـي=ومن قال أنا الطيب يعييه ابن من
والزين مايدقـم شبـاة السنانـي=والشين مايقصر يديـن ٍ يطولـن
اليا اجتمع زين وفعـل اليمانـي=جنة نعيم بالحشـى وان تلاقـن
والقاز يعبى للضـروس المتانـي=وإعرف ترى سن اللبن يقلعه سن
عليّ راس ٍ فيـه مثـل النوانـي=مثل البروق بليل غـدر ينوضـن
حتى أيش يا نقالـة الشيشخانـي=معنا فرنجي ٍ على البعـد يشفـن
إليا ركبنا فـوق بنـت الحصانـي=عيب ٍ عليّ إحرافهـا ليـن يقـفـن
اضرب بحد السيف والعمر فانـي=لين العـذارى ياسعـد لـي يعـذرن
ذا قول من لاهـو بولـدة هــدانـي=ولـــد شجـاع نادر بان لـه فــن
وهذا الجواب اللي ظهر من لساني=والامر لله والسبـب نفـعــلـه حـن

والبيت :
أدري بك إنك من كبار المصاليخ .. نعم العوين اللي يذكر زماني
موجود في كتاب كنز الانساب في مجمع الآداب ..

أما ذكر المصاليخ في القصيد فهو كثير جداً ويبين أيضاً أن آل سعود
دخلوا في عنزة ..
والرشيد أكبر دليل هم : من الضياغم من عبيدة من قحطان نسباً
ومن قبيلة شمر حلفاً حتى أصبحوا أمراء حائل وشمر في نجد ..
كـ أغلب مشائخ القبائل التي تنتمي إلى قبائل نسباً
وهم شيوخ قبائل أخرى حلفاً .. الامثلة كثيره جداً ..

وهنا أنا اقول ثبت نسب آل سعود إلى بني حنيفه قطعاً . ولكنهم من عنزة في التداخل بينهم ..
فالقصائد القديمة التي ذكرت (المصاليخ) أكبر دليل وكلام الامير سلمان أيضاً دليل
حينما قال :
((ولو سئلت شخصيا لأجبت بأنني من بني حنيفة من بكر بن وائل من عنزة بسبب التداخل بين القبيلتين))

فهو يؤكد نسب الاسرة الى بني حنيفه نسباً والى عنزة في تداخلهم ..


أما أخي صاهود :

فـ يقول انتم لستم في حاجة لـ ضم ابن سعود ..

وأنا أقول لماذا انت لاتقر بوجود مطير مع ابن صباح في الصريف مع انه ثابت قطعاً . فـ ليست عيب ولاحرام ..
وأقول انت ليس في حرج حينما تثبت وجود مطير في تلك المعركه .. فالنصوص واضحه

وأقول نحن نقرأ التاريخ ونثيته حيث ماكتب .. فـ تاريخ عنزة قام على مشائخها كما ذكرت أنت ..

ولكن هنا نحن نستنتج مانقرأه من الكتب .. فـ كثيرٌ من نسبهم لـ عنزة . وكثيرٌ من نسبهم لـ بني حنيفه ..
مع العلم أنهم يجتمعون في (أسد بن ربيعه) فهم (ربعيّون) وأبناء جدٌ واحد .. فلااعلم لماذا يقال تحالف ..

فالاولى يقال (تداخل) وليس (تحالف) لإنهم أبناء جد واحد كما ذكر ذلك الامير سلمان ..