مرزوق العتيبي =
ياحاكم شد حيلك والليال البيض غير السود=ومن لايبذل المجهـود مانقبـل معاذيـره
على فعل الخطيه يالعتيبي منتـه بمحـدود=ولكن بعـد ماسويتهـا ..ياعلهـا خيـره
حاكم الغنامي =
عسى الله مايضيع للرجال الطيبـه مجهـود= يبارك فالجهـود الطيبـه ياطيـب السيـره
ترى راع الخطيه غير عن راع الكرم والجود=وانا والله مااقصر في حقوق الجار والجيره:)
مرزوق العتيبي =
انا كنت احسب انك محزمي يوم اللقاء المشهود=واثرك اللي على حربي يجمع فـي جماهيـره
تجامل بندر الروقي على حسابي وانا موجـود=وتنسا وقفتـي يـوم القبايـل جاتـك مغيـره
حاكم الغنامي =
تراك الصاحب الوافي وحنا ماعلينـا زود=دفنا جرتك ليلة سريت من اخـر الديـره
اجامل بندر وغيري يجامل فالبلاد سعـود=ترى صاحبك ماتقدر تعيش اليوم من غيره
مرزوق العتيبي =
صحيح انك على هذي ياحاكم منته بمحسود=وهذي قسمة الله فـي مخاليقـه وتدبيـره
انا اعطيك الكلام اللي يهزك هزت العبرود=ياشين اللي على عثرت خوّيه مامعه غيره
حاكم الغنامي =
يبا يجزاك ربي كل ماهبت عليـك النـود=تروح وبالك بحيره وترجع وانته بحيـره
على جسر المحبه تشبهون النار والبارود=على ويش التحسف والبحر غرقت بوابيره
مرزوق العتيبي =
انا اخوك الكبير اواجب انك تفهم المقصود=ولا تتبع طريق الغاوي اللي ينقر لـزيره
اخاف ان الجهل يعميك ثم يكبر عليك اللود=ولا ينفعك ابو طربوش ٍ اسود في تقاريره
حاكم الغنامي =
اخوي العود لاكني قبل ماتنولد مولـود=بميّه عام فيها مانطفّي شعلـة النيـره
مدامك غايبٍ عني فغيرك واحدٍ نمـرود=يدرسني على حفظ الكتاب وفهم تفسيره
مرزوق العتيبي =
مدام ايدرسك نمرود فاندب حظك المقرود=ومن حظه تردى وش يحصل من مشاويره
تركت السكه اللي من مشا فيها يفيد الفود=ورحت بخطك اللي ماتشوفه من معاصيره
حاكم الغنامي =
اقص الجره بعيني ...وسمعي مع حنين الذود=وانـا مادلنـي للراعـي الا جـرة بعـيـره
ابا اثّبت حجتي واشكيك واشهد عليك شهود=ترى النمرود عندي زايـدٍ بالحيـل تقديـره
تجامل بندر الروقي على حسابي وانا موجـود
وتنسا وقفتـي يـوم القبايـل جاتـك مغيـره
اجامل بندر وغيري يجامل فالبلاد سعـود
ترى صاحبك ماتقدر تعيش اليوم من غيره
انا اعطيك الكلام اللي يهزك هزت العبـرود
ياشين اللي على عثرت خوّيه مامعه غيره
بيض الله وجيهكم
وصحت السنتكم
يالثنين
التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|