صباحكم عسل... اقرب شاعر

[متعب المقاطي العتيبي]

بداية قولنا يهل الوفا بسم الله الرحمن=بعد ذكرة نبي ناخذ ونعطي بالكلام الزين
سلام الله سلاماً يدرك الغايات فالميدان=ونزهم من يدورها من الشعار والصفين

[ابوشنـب]

بدايه ربعي اعتيبه وخالي من بني قحطان=ونمشي من على نهج الشريعه والوفاء والدين
الا يا مرحبا ترحيب ثقله يرجح الميزان=تحصلها ولو نقراء عليك الزلزله والتين

[متعب المقاطي العتيبي]

نعم في خالك وعمك واقوله بالفم المليان=وحنا يالشنب مثلك على درب الوفاء ماشين
يدوم ابك البقا والطيبة تدفع لها الاثمان=ولاكن من يدورها يحصلها على الخدين

[ابوشنـب]

تقوله بالفم المليان في وجهك على الحجان=علامك تاخذ ايسار العلوم اولا تروح ايمين
انا في ماقفي ثابت وانا شاعر فصيح السان=ولامنا خلصنا منك تقفي يا غراب البين

[ابوشنـب]

النداوي انت تبطي في الرد الله يجزاك خير

لاكن الجايات اكثر وانا الحين وراي شغل ومشكور وصح لسانك تشرفت بالعب معك والله

[متعب المقاطي العتيبي]

توقع لاتجيب المشكلة ياطير ابن برمان=وانا اشوفك تخفق بالجناح ومخطي الدربين
تقوله وانت لاثابت ولا فاضي ولا مليان=وحاول تنهي المشوار لاتلعب على الحبلين

صح لسانك(((((( مسك الختام عندك))))))))

[الكاايد]

صحت السنتكم

وانت يانداوي اعتبرني واحد من جمهورك دائماً وابداً

[ولد سجوان]

صح لسانك يالنداوي وصح لسانك يابوشنب
وبيض الله وجيهكم اسعتمونا

[متعب المقاطي العتيبي]

المشاركة الأصلية كتبت بواسطة الكاايد

صحت السنتكم

وانت يانداوي اعتبرني واحد من جمهورك دائماً وابداً

الكايد يزيدني شرف

وبالعكس انت الاستاذ وانا احد تلاميذك

[متعب المقاطي العتيبي]

المشاركة الأصلية كتبت بواسطة ولد سجوان

صح لسانك يالنداوي وصح لسانك يابوشنب
وبيض الله وجيهكم اسعتمونا

صح بدنك

ووجهك ابيض