الإعلان هذا هام ...

[وصل العطياني؟؟؟]

الإعلان هذا هام .. بالفعل يعني هام=على كل واحد ينتــبه له بــ : جدّيــّـة
بدأ مصدره من هيئة " الفكر" و " الإلهام" = وصلّح عليه المخ دراسات علمية
وطوى البحث وارسل بإعتماده على الأقسام= على طول تاصل كل خليةٍ حيّة
داخل جسمي " الأعصاب" وسيلة الإعلام=وخارج جسمي " قناة اللسان" الفضائية
وجاء في البيان : الحمد لله والسلام= وصلاةٍ على رسول ربــّه ونبــيــّه
أقرر على ما أقول بالإعتراف التام=على نص هالإعلان وأخطّ بيديّة
على أنه حصل بيني وبين الفؤاد خصام=أنا ابغى لي نحيّة وقلبي يبا نحيّة
تجادلت أنا وإياه يوم العباد نيام=جدالٍ ماهو ب جدال قوم الرومانسية
وبعد النقاش الزائد وكثرة الكلام=توصّلت أنا وقلبي لنتيجة نهائية
رسى قلبي الطاهر على شاطئ الدمّام= بعد ما تجوّل فـ الخبر والعزيزية
رسى تحت رمشٍ يسلب العقل بالسّلهام= ليا سلهمت به كنّ في الصدر جنبيّة
يا حظ الرموش اللي ليا منّ خلّي نام=توسّد خدٍ صافي ووجنات وردية
وتقال إن بين العين والعين سيف إعدام=تخاضع تحت حدّه رقاب الهواوية
ملامح من الصّقر وملامح من الأريام= يتوه المولّع بين هذي وهذيّة
يا حظ المكان اللي مشت فيه بالأقدام= ويا بخت الحظيظ اللي رباها ويا هنيِـّه
ليا أوحيت كلمة"وصل" تبري لي الأسقام= على كبدي أبرد من حليب السعودية !!
و لولا الحيا والخوف من خالق الأنام=أبا أقول نازل كوكب الأرض حوريّة
وأنا أسالكم بالله لا تمدحون الشّام=ترى مدحكم هذا يسبّب حزازية
أقول الصحيح ولعنة الله على الظلاّم=ترى ما جمال إلا جمال الخليجية!
وترى قلبي الصّادق لا يعذل ولا ينلاّم=عسا من يلومه تلتوي فوقه الحيّة
ليا عاش ما يأخذ ورى من ثلاث أيام=ولن مات مايرحم ولا ينرحم حيـِـّه!

التوقيع

na111na@hotmail.com

[عتيبي نت]

الله يهديك لاتلعن الظلام فهو خلق من خلق الله وسبه سب لمن خلقه فتنبه رعاك الله واليك نص العبارة التي ذكرتها اخي بارك الله فيك

(أقول الصحيـح ولعنـة الله علـى الظـلاّم )

واما مشاركتك فهي جميله وانا معك بناتنا مافيه احسن منهن جمال وحسب ونسب ودين

[خالدالعصيمي]

رسى قلبي الطاهر علـى شاطـئ الدمّـام
بعـد مـا تجـوّل فـالخبـر والعزيـزيـة


الله الله عليك ياوصل

رايعه يارايع

وصل كما أعتدناك ---- قمه في الابداع ---- ونقاه في الاختيار

دايمآ من المتابعين لك أول باول حتى لو أبتعدنا عن المنتدى فانت في البال

أمنياتي لك بالحياه المليه بالسعاده والافراح

أخوك / خالد العصيمي

[فرهودي]

الرسالة الأصلية كتبت بواسطة خالدالعصيمي



الله الله عليك ياوصل


وصل كما أعتدناك ---- قمه في الابداع ---- ونقاه في الاختيار

دايمآ من المتابعين لك أول باول حتى لو أبتعدنا عن المنتدى فانت في البال

أمنياتي لك بالحياه المليه بالسعاده والافراح

أخوك / فرهودي

[فهدمتعب الجعيد]

وأنــــا أسـالـكــم بالله لا تـمـدحــون الــشّـــام
.....................................تــــرى مـدحـكــم هــــذا يـســبّــب حــزازيـــة


وقعت على الجرح يا وصل تكفى الا الشام


على العموم صح لسانك رائعه



تحياااااااااتي

[وصل العطياني؟؟؟]

أخوي : عتيبي نت

هلا بـــك .. وش حالكم وش حال قبايلكم

اخوي , الله يهدي الجميع ...

لكن الظاهر إنك قرأت الكلمة خطأ ...

ولو لاحظت "الشدة" على أي حرف , كان قرأتها صح ...

عموماً وبدون فلسفة , الكلمة هي : ( الظلاّم ... اللي هم الظالمين )

وش دخــّل الظّــلام ?

هذا مع شكري وتقديري لك...


تحيااااااااتي

[وصل العطياني؟؟؟]

خالد العصيمي

وينك يا قطوع


منوّر المنتدى بالطلّة القديرة على قلوبنا ..


وان شاء الله تستمر معنا ..


ترى لك وحشة أوي اوي




تحياااااااااااااتي

[((الدلبحي))]

تعودنا من الطيب مايجيب الا طيب
تسلم ياوصل وصح السانك
تقبل تحياتي

[مروي العطاشا]

صح لسانك ياوصل
قصيدة جزلة من جزل
يعطيك العافيه

تقبل احترامي

[عتيبي نت]

هلا وغلا بك وبالجمل الي حمل اهلك
المعذرة مثل ماقلت قريتها غلط وانا اسف ومشكور على التوضيح والعتب على النظر
وبالعكس مايجي منك الا كل خير يالغالي والفلسفة منت من اهلها ومحشوم

وبيان الخطا واجب والمخطي واجب عليه يرجع عند خطؤه وماقصرت وفيت وكفيت