قصيدة للشاعر عيد ابن شدة

[ابو عبيــد]

أنا أحيآن يا عائض ليا دق بي هوجاس
أجاوب حمام الورق ياخوي واغني
ولا اسمع هل النمه ولا اقبل بسب الناس
رفيق الرفيق اللي يبا الطيبه مني
اجيد المعاني واعرف الماهر الغطاس
و أضد الخصيم اللي علومه يخصني
ليا ساقه الهاجوس والرأس فيه عماس
حمسته بغيظه حمسة النار للبن
وعلى قد قافه سقتها له بكل قياس
جميع الجروح قصاص والسن بالسن
ولا اكرر المعنى ولا اشحذ من الأنجاس
ولا قلت أنا المرموق والفاهم الفني
لي نظرتي والناس ما يقطعون الرأس
وأرحب بقيفان المغنين لاجني
وصلاتي على اللي سنته كلها نبراس
وسلامي يخص المسلم الصادق السني


الشآعر : عيد بجاد معوض ابن شدة العتيبي

آخر تعديل ابو عبيــد يوم 21-Jan-2010 في 07:21 AM.