المستشار : ((عــــلـــــي فـــــــــــلاح)) ,,,, !!

[شداد المري]

بسم الله الرحمن الرحيم ..

يشرفني العب معك ياعلي ..

سلام ياهل المعرفه والسلم سلم من السلوم= والمعرفه عند العوارف ماتقفل بابها
ياعلي لو تسمح تطب البحر دام انك تعوم = والطيبه ياطيب راسك كان طب وجابها

[رائد الكيرعاني القحطاني]

الله الله الله يا بو حمد




والصف محلفي محلفي





لاهنت وصح لسانك ولسان ابو فلاح مقدما





متاابعين

[شداد المري]

مرحبا تراحيب الحيا يا المحلف ..

والصف يزهابك لاعدمتك ..

في انتظار علي !!

[عبدالمجيد النفيعي]

مرحبا بـ ممثل محلف بـ الطاروق وبـ صفه

في منتديات أخوانكم عتيبه الهيلا

وبـ إنتظار شاعرنا العضياني

والصف صفه ولاهنتوا

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[شداد المري]

المشاركة الأصلية كتبت بواسطة عبدالمجيد النفيعي

مرحبا بـ ممثل محلف بـ الطاروق وبـ صفه

في منتديات أخوانكم عتيبه الهيلا

وبـ إنتظار شاعرنا العضياني

والصف صفه ولاهنتوا

الله يبقيك على فضله ..

وترحيبك هذا يدل على طيبك الله يكثر من امثالك ..

وحنا لاشك في محلنا الثاني ..

في انتظار علي !!

[علي فلاح العضياني]

الشرف لي طال عمرك

والمعذره على التأخير




و استلم :

يا مرحبا عند الرجال اللي يسدون اللزوم=ترحيبة الاصحاب دايم في قدوم أصحابها!!!
يا ضيفنا بعد السلام و مرحبا هات العلوم=قدمك رجالٍ في مواقفها تمسّ أشنابها !!!

التوقيع

(( رأس الحكمه مخافة الله ))

[شداد المري]

حيه وحي ماجاب ..

دام البقى يابوفلاح وياعسى راسك يدوم = حساد بقعا ثايره والثايرات اعصابها
احد(ن) عيونه فالسماء واحد(ن) عيونه فالنجوم = واحد(ن) عيونه ماتخايل غير روس اهدابها

[علي فلاح العضياني]

الامن سايد فالبلد و الدار حاكم و محكوم=ما فيه داعي بعض خلق الله تشقّ ثيابها !!!
ما يكسبون الطايلات إلاّ قويين العزوم=اللي على درب العلا دايم تحثّ ركابها ّّ

[شداد المري]

الله الله ..

اقولها وتقولها والله يلوم الي يلوم = بيداء الصحاري بالزمن ماشاب راس غرابها
ياوالله الي روحو نص العرب ترك(ن) و روم = خلت وراها عرفها وسلومها وادأبها

[علي فلاح العضياني]

بالمعرفه فالناس معطى يا محمد و محروم=صحيح من يخطي دروب المعرفه ما صابها
الخير باقي و انت يا المرّي مقدّر و محشوم= انته و مثلك بالكرامه حاسيبن حسابها