البارحة نومي على راس كوعي للشاعر فالح

[محماس العتيبي]

جبت لكم قصيدة للشاعر فالح بن ماطر بن صنيدح الحافي

اعجبتني واردت ان انقلها لهكم :

البارحة نومي على راس كوعي = مدري علامي يامحمد ونا بوك
اخذ دقايق في منامي وافوعي = فاعت قضيب(ن) مع هل الخبت مشبوك
البارحه ماذقت نوم الهجوعي = ما كل ليل(ن) فيه اناسه ومبروك
لا دق هاجوسي جدايه دموعي = وبيحت بالخافي على صفحت البوك
قام النظر يقصر وثقلت سموعي = والجيب ماله مع هل القنص داكوك
من عقب ماسند وكت السلوعي = في ماقعن كنه عن الناس مشبوك
ساعة نطلع للخريش النسوعي = وساعة نقص الاثر مع حرف سهكوك
وان شفت دوس المجهلات الرتوعي= فرعت بلقرناس في حروة الدوك
اما تقفنه سيوره طلوعي = والا خويي قال الي عانهن دوك
وعند المسا بالصيد جونا الربوعي= وامسو على شعر وتعاليل واضحوك
وصكو على مثل البطاط الوقوعي = وصبح بن وهيل والخبز مفروك
واليوم مالي فالمقانيص نوعي = ماغير انشد وين راحو ولاجوك
بغيت اسير مير عيت طبوعي = ماهوب طبعي دقت الباب مصكوك
ولاني على تبع الولايم دنوعي = الاليا قالوا لي الربع نادوك
ارفع مقامي عن خطات التبوعي= ياجاهلن فيهم ترى بعضهم شوك
وقت العوافي ينطحون الجموعي = وليا بدا لازمك لو صحت ماجوك

[مشاري الحكير]

جميل ماخط لنا هذا الشاعر من ابيات جميله

[محمد العتيبي]

الله االله الله


قصيده رائعه جدا ..


صح لسان الشاعر / فالح الحافي ..


ولاهنت يامحماس


تحيتي
..

التوقيع

للتواصل عبر twitter تويتر al_bargawy@

[خالد بن مورق]

قصيده رائعه لاهنت على الاختيار الطيب