من بعدهم ياما تجرعت الامرار

[نايف المغيبي]

اضع بين ايديكم هذه القصيه الغزليه واتمنا ان ترضي متذوقين الشعر

ياعقل يامشكاي يانسل الاحرار=يامسندي ضاقت علي البصيره
اكيد ماتحتار في نظم الاشعار=مثلك فهيم(ن)لازم (ن)نستشيره
القلب كنه يارفيقي على نار=بقصا الحشا تصلاه مثل السعيره
القلب غاص ببحر الافكار وحتار=محتار في غبة بحور(ن)تديره
طل المدا وانا على الجور صبار= محتار بمري يابن الاجواد حيره
سبب وليفن صد وقفا عن الدار= اقفا سكن ديره وانا لي بديره
من بعدهم ياما تجرعت الامرار=وعيني من الفرقا عليهم سهيره
حبه ملكني ملك من دون مختار=بيح خفايا النفس وبدا السريره
ارسلت له عدت مكاتيب تكرار=وبطيت ماجاني من الترف سيره
عني قطع حبل المواصل والاخبار= مدري نسا ولاضروفه عسيره
كانه على خبري وديعن للاسرار=والله ماينسا مودة عشيره
بيني وبينه صافي الود مابار=ماشاق له غيري ولااشتقت غيره
لين الليالي فرقتنا والاقدار=دوم السعاده يالسنافي قصيره
وصلاة ربي عد همال الامطار=على النبي خير العرب والبشيره

نايف بن علي المغيبي

[محمد العتيبي]

الله الله


صح لسااانك يانايف ..



قصيده غزليه رائعه استمتعت بقرائتها ..



تحيتي لك
..

التوقيع

للتواصل عبر twitter تويتر al_bargawy@

[نايف المغيبي]

الاخ محمد العتيبي
اشكرك جزيل الشكر على مرورك

[محمد مذكر المغيبي]

ابو عادل

تسلم تسلم

قصيدةغزلية عفيفة لطيففة تستحق الاهتام

ولحققة هذا الغزل المطلوب اللي بعيدٍ

عن الكلام الهابط
مثل مايفعل عض الشعراء الله يجزاهم خير

وانا لاامل لا ن اقول بيض الله جهك وجمل الله حالك

تقبل تحياتي

[نايف المغيبي]

الاخ محمد مذكر المغيبي
اشكرك على مرورك ولك تحياتي