السلام عليكم ورحمة الله وبركاته
مصافحة أولى
ما هان وجهي يا ظروف الليال الغبر = وصبري جميل ورحمة الله راجيها
اجاهدك يالدنيا من اول سنين العمر = وروحي على درب المراجل معنيَها
ولا يشعر ابنار الجمر غير واط الجمر !!= وانا نار وقتي دايم الدوم واطيها
اواجه تصاريفه // والايمان ساس الصبر = وادلَه الخاطر والآقدار راضيها
وجودي وجود الحر لا من شكاله كسر = وله عادةٍ ماهوب قادر يخليَها
لكنَ الكسر خَلاه يلزم حدود الوكر !!= و تصغر بعينه : ( كل الارجا ومافيها )
تدور الليالي والكسر ما لقاله جبر = وبعض الجروح المزمنة من يداويها ؟!!
ومن يجرع امن المر يندب حلاة التمر!!=ولا من بغا يكحل عيونه بيعميها
ومهما يطول الليل ما يقرب الا الفجر = ويكشف علومٍ خاطر الليل مخفيها
اشوف الظبا ما عاد تخشا ضئير النمر !!= ولا عاد تحسب للذياب ومساريها
مدام الدورب السالكة ما وراها نصر = انا ليش اعني ساق رجلي وامشيَها؟!!
تراها مثل من يجمع الواحد امع الصفر !! = وذي خطوةٍ ما هيب تحسب لراعيها
اقوله وبعض النَاس لشكل عليه الآمر = يقول : ( السوالف هابطاتٍ معانيها )
يلف ويدور ويجهل ان الصراحة جسر = تقوي علاقات الحبايب وتحييها
وانا موقفي معروف // ما تجهله يابدر= اقول العرب لا بد تحفظ مباديها
ولا من بغوا رايي كشفته بليا عذر = موَثق // واسمَي كل الاشيا بساميها !!
وخذها نصيحة صادقة يا عزيز القدر = عداة الشريعة يافتى لا تواليها
وبعض المجالس مالها حل غير الهجر= حذاري تغرَك من فخامة مراكيها !!
ولا من تحدَاك الزمن بالظروف الكثر= تصَبر .. وروحك لا تضخَم بلاويها
يضيع البنادم لا يأس في دروب العسر = وما فيه غير الياس الآنفس يدهويها
تحيزم بصبرك يافتى الجود لين اليسر = تجيبه سنين الصبر لقفت لياليها
اقوله وانا لازلت اعيش الليال الغبر = ونفسي بنور الصبح ياخوك امنيَها
هزاع الشيباني
« آخـــر الـــمـــشـــاركــــات »
11-Nov-2010, 07:24 PM
بعض المجالس مالها حل غير الهجر !!
العرض العادي
