عزي لعود(ن) ظروف الوقت حدنه ..

[ابو عبيــد]

عزي لعودأ ظروف الوقت حدنه
ذاق الجفا والمصايب والعواقيبي
يكن غيضه ويخفي واهج الونه
كنت حيامن يشفن المغاريبي
في حنت القيض واللاهب كواهنه
وردأ على الماء خلاوي شمّخ النيبي
وساجن وداجن وجو العد عافنه
وسرت بهن فاطرأ عوجا عراقيبي
شيبأ من الشيب بالممشى شعتهنه
عرندسن من كبار الفطر الشيبي
من جل ذودا بعيد الدار داجنه
مع دربها يتعبون اهل المناجيبي
عطت بهن خايعن خالن وهابنه
فيه الثعالب تضابح مع نما الذيبي
من اول الليل لان الفجر شافنه
راحن على ساقت الفاطر جناديبي
عقب السرى والعطش وردا هواهنه
مع درب ملحاء من السود الحنازيبي
والعود طاويه والله ماطواهنه
غصب(ن) على شاربه ولاعلى الطيبي
الله يعوضه كريم الوجه بالجنه
الخالق الرازق اللي يعلم الغيبي



الشاعر : عيد بن بجاد بن شده العتيبي

[فايز بن سرحان الثبيتي]

عقب السرى والعطش وردا هواهنه
مع درب ملحاء من السود الحنازيبي
والعود طاويه والله ماطواهنه
غصب(ن) على شاربه ولاعلى الطيبي



الله يبيض وجهك قل آآآمين


لكن الشاعر / عيد بن بجاد العتيبي

هو انت ولا ناقلها عنه "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[نايف المغيبي]

ابو عبيد

بيض الله وجهك على نقل هذه الرائعه

[ابو عبيــد]

المشاركة الأصلية كتبت بواسطة ابن سرحان الثبيتي

عقب السرى والعطش وردا هواهنه
مع درب ملحاء من السود الحنازيبي
والعود طاويه والله ماطواهنه
غصب(ن) على شاربه ولاعلى الطيبي



الله يبيض وجهك قل آآآمين


لكن الشاعر / عيد بن بجاد العتيبي

هو انت ولا ناقلها عنه "

صح بدنك والشاعر هو انا

[أبو مرحبا]

صح السانك ياابوعبيد على القصيدة الرائعه

احترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابو عبيــد]

صح بدنك ياخي ويعطيك ربي العافيه

[ابو حاتم الموج]

ابو عبيد صــح لسانك .. ولاهنت على هذه الابيات الرائعة ..

[ابو عبيــد]

صح بدنك يالخطيب لاعدمنا هالطله الغاليه علينا