الرياض تنشر قصيدة الشاعر عيضه الثبيتي - الهيـــــــــــــلا *** منتدى قبيلة عتيبة

سعد حميد الثبيتي · 19-Nov-2010, 10:02 PM

نشرت في هذا اليوم قصيدتي في خادم الحرمين الشريفين

على الرابط

http://www.alriyadh.com/2010/11/19/article578248.html
سلامات ياراع الصفات النبيله

سلامات يـاراع الصفـات النبيلـه
عيضه الثبيتي
سلامات ياراسً ما فوقك ولا راس
يقع رؤس ضلعان الحجاز الطويله
وسلامات يا يمنىً غمر جودها الناس
مثل مايغمر الارض وبل المخيله
وسلامات ياقلبً على الشعب حساس
وسلامات ياراع الصفات النبيله
وسلامات ياقصرًا جداره على ساس
وسلامات يادار السلوم الأصيله
عداك الألم والهمّ والغمّ والباس
وعدتنا الليال اللّي علينا ثقيله
يابو متعب أنحبّك بلا حدّ وقياس
ولو يشال عنك الباس حنا نشيله
واملنا بربٍ رحمته تغلب اليأس
ونكثر دعانا فالليال الفضيله
ياحصن الوطن يالدرع يالسيف يالطاس
ياخادم بيوت الله خدمه جليله
لعل السعد يبراك مع كل نسناس
وعسى أيام عمرك طال عمرك طويله

تحياتي وتقديري

النص من الجريدة كما نشرته

نايف المغيبي · 20-Nov-2010, 02:12 AM

يستاهل الخير الشاعر عيضه

نسل شيوخ · 20-Nov-2010, 02:15 AM

صح لسااانه..وليست غريبه عنه

وسلمت يمنااااك ياسعد ع الطررح

يعطيك العاافيه

أبو مرحبا · 20-Nov-2010, 12:21 PM

صح السان ابوفيصل عيضه الثبيتي

ولاهنت على النقل الموفق

احترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

محمد العتيبي · 20-Nov-2010, 02:49 PM

الحمدلله على سلامة المليك المفدى وطهورا ان شاء الله ..

صح لسان الشاعر الكبير / عيضه الثبيتي

على هذه الكلمات الصادقه والاحساس الصادق الذي عبر به عن مشاعرنا ..

وبيض الله وجهك على النقل الرائع

تحيتي لك
..

التوقيع