ماني بجاهل مير هذي مقادير

[سعود طالع الشيباني]

قصيده من فوح مشاعري

قال الذي لا قال تصغ الشواعير=قصيدةٍ هاجوس فكره وزنها
سهران طول الليل ويحط ويدير=ولاذاق طعم النوم حتى ركنها
حدتني الاوهام يم المشاوير=فوق الذلول اللي تقطٌع رسنها
ماني بجاهل مير هذي مقادير=أقدار والاقدار محدن ضمنها
ياوجد حالي وجد منور على منير=أخوه شيخ القوم يامر وينها
استيسروه أعداه ثم مات تعزير=وجنازته بقيت ولاحدن دفنها
خلوه طعم ٍللضواري وللطير=في ديرةٍ مافيه حيٍ سكنها
على وليفٍ دمر الحال تدمير=وسيطر على روحي وسبب حزنها
غروٍ ترك بالكبد مثل المسامير=واليا طرى طاريه ونيت منها
بنت الرجال الصارمين المشاهير=المهره اللي نادره في زمنها
راحت وخلت بين الاضلاع تاثير=محبةٍ ونات قلبي ثمنها
جاها النصيب وياعساها تياسير=ويعوضني ربي من البيض عنها

[الصويت الثبيتي العتيبي]

صــــــح السانك

[جريح الصمت]

صح السانك

قصيده جزله


تسلم يالغالي

[نايف المغيبي]

صح السانك على هذه القصيده

[سعود طالع الشيباني]

المشاركة الأصلية كتبت بواسطة الصويت الثبيتي العتيبي

صــــــح السانك

الثبيتي صح بدنك واشكرك على مرورك

[سعود طالع الشيباني]

المشاركة الأصلية كتبت بواسطة جريح الصمت

صح السانك

قصيده جزله


تسلم يالغالي

جريح الصمت صح البدن وكل الشكر على مرورك

[سعود طالع الشيباني]

المشاركة الأصلية كتبت بواسطة نايف المغيبي

صح السانك على هذه القصيده

صح بدنك يانايف ومشكووور على مرورك

[عون الخوي]

سعود العتيبي صح لسااانك مدد بلا عدد على هذه القصيده والله يوفقك

[سعود طالع الشيباني]

المشاركة الأصلية كتبت بواسطة عون الخوي

سعود العتيبي صح لسااانك مدد بلا عدد على هذه القصيده والله يوفقك

عون الخوي اشكرك على مرورك والله لايهينك

[مخاوي الطير]

الله الله

صح السأنــكـ يا سعود بن طالع

شاعر جزل ومبدع

وراك غايب لك مده ماشفناك ؟؟؟

في انتظار جديدكـ


.