ياحبيب العازمي يامطول الأنتظار00

[السيل]

يامرحبا والليالي بيض مثل النهار=لولا غلا أهل المعزه ما تعبنا لها
ياحبيّب العازمي يامطول الأنتظار =أهل المعرفْه من العام اتحرا لها
دام البقاء والليالي بيض والجو حار=وأيامنا المقبله ما نعلم أحوالها
أنته من العام وأنته تنتظر فالمطار=والطائره فالمدرج وأنت تبرا لها
بيني وبينك ترى وجه الزمان استدار=والصحبه الأوله ماهي على حالها
هذا السنه تضرب الأرض ويطير الغبار=لِكن الأرض الصليبه لا تحمى لها
وش رائك أنك تخليها ولا شي صار=بعض الهواجيس فال الله ولا فالها
أخشى نطق الحجر وأخشى يطيح الجدار=والسالفه كلها دله وفتجالها
حنّا نمد اليمين ولا نمد اليسار=ونجازي الناس يابن روق باعمالها
ما دامت أن الحريقه مبتداها شرار=ياجعلها في طرف غترتك وعقالها
يابن معيوض ترى ماهي برد اعتبار=الله يخلي رجال الحرب لرجالها
ماتكتب الشرهه الا فوق رؤس الكبار=وأن كان ماهي بيمّك لا تحرى لها
ماعقب عيد الضحيه غير رمي الجمار=ياربعنا اللّي غضبها يقطع أرسالها
الله يعينك على بعض الحقوق الكبار=لين الحمول الثقيله تبرك أجمالها
ياربعنا لا تثيرون الفتن فالديار=الفتنه النائمه لا تصحي عيالها
أبوك قاضي وأنا راضي وهات القرار=يمكن تعوّد علاك وكيف تشتالها
حنّا نعز االجدار ولا نهدم الجدار=والشجره اللّي تظلل نعرف ظلالها
يمكن يطيح الجبل من شدة الأنفجار=والشرهه اللّي علاكم حط معدالها
الظاهر أنك شبكت الطار والطار طار=مابقي الا تطيح الدلو وحبالها
الشرهه اللي لها قيمه جزاها اعتذار=والشرهه الثانيه حتى عذر مالها
يامقصرين الطوال مطولين القصار=اليا تعدوت لي القوم اتعدوى لها
بعض المعاذير مافيها يابن روق خار=مكثر معاذيركم واقول يبغى لها
مابيننا للعداوه حج ولاّ مزار=وأن كان هذي علومك جوّد أقفالها
ياعيضه الدرب واضح لا تعكس المسار=اللحيه اللّي ماتقبل عذر عزى لها
يا سيل وادي مسرّه كيف تنحي شهار=لعلها مايخيّل فوقك خيالها
القرص فوقه عسل صافي ولا هو قفار=مافيه حيلها يابن عيزوم تحتالها
الأوديه كلها تنحي ومعها حجار=مير الشعيبين لا تنزل على جالها
ارد من كلمتي واربط عليها الزرار= أخاف من شرهة الدنيا وعقالها
اللي يسوق الجمل واللي يسوق القطار=كله على شان يوصلها لميصالها
اطيّب حليب الغنم ولاّ حليب البكار= جاوب على كلمتي وتحصل بدالها
بعض المشاوير تطلع مثل لعب القمار=واللّي مايدريبها وشلون يصحى لها
ماني مصنف لبن وأنته لك الاختيار=واللّي يحلب الديوس يحددّ اشكالها
لن كان تبغى الحقيقه كلها بأختصار=ترى قصار الدروب أطيّب من طوالها
يبى يصرّ الصخل ولا يحّن الحوار=كله من اجل الديوس وحالكم حالها

[علي فلاح العضياني]

محاوره قويه ومشكور يالسيل

وعيضه الثبيتي من الشعراء الشباب اللي انا شخصيا معجب بظهوره الرهيب على الساحه الشعريه


تقبل تحيات الفالح

[محمد العتيبي]

الله عليك يالسيل

انا الصراحه اول مرة اسمع بالشاعر عيضة الثبيتي ولاكن الصراحة اعجبت به

وايضا ياعزيزي يالسيل انا اعجبت بك ولاهنت ........ ابو مشعاب

[مرزوق حمدان العتيبي]

...
اول مره اقرأ لعيضه الثبيتي ولم اسمع له من قبل ...
ولكن ماقفه مع شاعر علم مثل الكنج ابو فيصل لاشك انه
ينبئ بمقدم شاعر سيكون له شأن، تحياتي
الله لايهينك يالسيل وبيض الله وجهك...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ssa2005]

[شكرا يالسيل على هذه المحاورو صراحه من أجمل المحاورات



تقبل تحياتي

[((الدلبحي))]

شكرا يالسيل على هذه المحاوره و صراحه من أجمل المحاورات


تحياااااااااتي

[الفراهيدي]

يالــســــــــــــيـل يامطـول الأنتظـار......





وين المحاورة هذي من زمان





تسلم يمناك محاورة قوية





لاهنت





تحياتي.................( الفراهيدي )....................تحياتي

التوقيع

AL-frahedi@hotmail.com

[الحطيم]

السيل
لاهنت على النقل
ولا تحرمنا من مشاركاتك

[فيصل الثبيتي]

الله لا يهينك يالسيل ...

محاورة قوية بلا شك بين علم من اعلام الشعر

الشاعر حبيب بن دغيّم

والشاعر الشاب والقوي عيضة الثبيتي

وهذا رابط لبعض قصائده معنا فالمنتدى /

http://www.otaibah.net/m/showthread.php?t=10614

كل الشكر لك يالسيل


الفيصـــل

[وصل العطياني؟؟؟]

حيّ الله من جانا

محاورة ولا أروع ...

جزالة وفتل ونقض ...

ولمن لا يعرف الشاعر عيضة فهو ابن الشاعر المعروف : معيوض بن دبيان الثبيتي

من بيت شـِـعر وعرف ...

وهو لا زال شاباً ومن الشعراء الشباب ..


تحياااااااااتي

التوقيع

na111na@hotmail.com