السلام عليكم ورحمة الله وبركاته
اخواني يسرني ان اقدم لكم هذه القصيده وهي موجه للشاعر عبدالرحمن بن عياد العطاوي الجهني
اتمنى ان تنال اعجابكم واستحسانكم
سلام تسليم كما النور مبداه =من ضي نوره يهتدي كل تايه
سلام يهدا للعطاوي وينصاه=الشاعر اللي فاهم" فالقرايه
الصاحب اللي لو يطول فقدناه=دام الصحيب لصاحبه كالمرايه
اللي نعزه فالليالي وندراه=وليا جهلنا نستشيره برايه
شاعر جهينه ياعسا الرب يرعاه=والله يسر له طريق الهدايه
واللي بعدها الوقت كبرت رزاياه=والمجتمع هبو يبون الدعايه
وكل جمع له شلة دوم تبراه=تتبعه وتداريه خير الدرايه
وفاتن تهل الدمع لو مالحظناه=من باسها تحتاج نظرة عنايه
تبكي وتصرخ والبكا ماسمعناه=وصارت لقوم ابليس موقع رمايه
شكت لعم" كسًر الوقت يمناه=من عقب ابوها مات مامن رعايه
شابت وخابت مالقت ماتمناه=ومابين جمع الناس صارت روايه
وصلو على اللي كلبونا تبعناه=اللي رفع للدين والحق رايه
وهذ1 هو رد الشاعر عبدالرحمن الجهني
يامرحبا فابن شويمي وحياه=اهدي له اسماء اياتها فالبدايه
يستاهل التقدير مثله وشرواه=ضمن الرجال محققت كل غايه
والله وعشر انعام باللي محياه=يشفي وعن كبدي يبرهج ضمايه
حدبن مصاريمه بعيدن نهاياه =وبالطيب طيبه للنشاما كنايه
من روس روق اهل المهار المحذاه=لا من هبت حاية" ضد حايه
قبيلة تصعب معاها المماراه=لا طوحن غيد الملا بالندايه
والا البرى من دون وضح مسماه=تراود الاخبار عنها الروايه
مقياضها من قاصي النير لادناه=ومرباعها لو هو على حد سايه
حلايب الروقه هل الوجه والجاه=مهما امتدح في روق ماهو كفايه
متسلسلن منهم صبي المثاراه=شاعر غدق ما يرتفيها رفايه
من واجب الشعر الحقيقي ومبداه=يذبح على وجدان مثله سمايه
والثانيه يالمرشدي هاه ثم هاه=ويش الخبر هذا الخبر هو بلايه
عوجاء الزمان مضير الذيب للشاه=ماتنتعدل في عصاك وعصايه
كلن لقى في هالزمن ماتمناه=الا طريق الحق جاته شنايه
انته تشوف بتالي الوقت ضوضاه=وتشاهد الساحه وشاشة بدايه
مالك ياكود تردد الحمدلله=بعض الغياب حضور عقل ودرايه
لكن لاتقلق ترا الكنز بحماه=والخير من ربي عليه الوقايه
والا اللونا لو طال لك لاتماداه=لابد ماتطوى عليه العزايه
عشب نبت في ساقي النخل وارواه=ويموت لا منا قطعنا السقايه
والا النخل يزهي ويبقا هو اياه=مايهلكه زود الضما والقسايه
بكره يبين الحق ماهي مطاراه=وتجيك فاتن تهتزع بالعبايه
هذا وصلى الله على اللي بمسراه=فرضت عليه الخمس مثل الوصايه
آخر تعديل توبان الروقي يوم 01-Feb-2011 في 04:20 PM.
« آخـــر الـــمـــشـــاركــــات »
01-Feb-2011, 04:17 PM
سلام تسليم كما النور مبداه -موجه للعطاوي
العرض العادي
