اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
19-Jun-2011, 03:20 PM | رقم المشاركة : 1 | |||
|
سؤال لاهل الشعر
السلام عليكم ورحمة الله وبركاته
عندي سؤال محيرني ياخوان وودي اسمع الاراء حوله الاحظ عندما تمر علي بعض الابيات في الشعر العامي انها في الاساس ابيات في الفصحى تم تحويلها الى العاميه يعني الشاعر لم يتعب غلى فكره او بناء وكل ماقام به فقط هو جعل هذه الابيات عاميه والمعنى هو المعنى وساعطيكم بعض الامثله هناك بيت مشهور جدا جدا واذا اتتك مذمتي من ناقص__فهي الشهادة لي باني كامل ويقول سلطان الهاجري مادامني بانظار الاقزام مسكين__هذا دليل اني عزيزا ووافي لاحظو المعنى واحد اذا لم اعجب الرخوم فهذا دليل اني طيب وهناك بيت اخر في الفصحى مشهور جدا يقول فيه الشاعر ان كان لايرجوك الا محسن__فبمن يلوذ ويستجير المجرم ويقول متعب التركي ان لاذ بك من كان طايغ ومبخوت__فيمن يلوذ المرتكب للخطايا ايضا نفس المعنى ولكنه حول فقط من الفصيح لعامي وهناك بيت مشهور جدا في الشعر الفصيح يقول جزى الله الشدائد كل خير__ولو كانت تغصصني بريقي وماشكري لها الا لاني__عرفت بها عدوي من صديقي ويقول السامر الله يبيض وجه سود الليالي__فيها تبين صاحبي من عدوي لاحظو نفس المعنى حوله الشاعر من الفصحى للعامي هذي امثله بسيطه ولكن هناك الكثير لاتحضرني الان سؤالي للاخوه الشعراء والنقاد هل هذا نوع من السرقه خصوصا ان الابيات الفصيحه المذكوره مشهوره جدا ويرددها الصغير والكبير وبالتاكيد ان مثل هذه الابيات لا تخفى على الشعراء وعندما قالوها كانو يعلمون انهم مسبوقين على معناها اتمنا ان اسمع راء الاخوان حول هذا الموضوع سواء من يوافقني او من يخالفني |
|||
|
|
19-Jun-2011, 08:10 PM | رقم المشاركة : 2 | |||
|
حياك الله ياهاجس الشعر
ولو اتبعنا طريقتك في الحكم على الشعار طلعوا كلهم حراميه ولكن المواقف تتشابه فقد يكون الموقف اللي حصل لشاعر الفصحى يحصل لشاعر العامي والشاعر في الموقف يعبر حسب طريقته مايروح يبحث في وقتها عن ماقيل ثم لاتنسى ان هناك مايسمى بتوارد الخواطر عند الشعراء وكل شاعر له اسلوب خاص لايشابه الاخر حتى ولو توافقوا بالحرف الواحد وابي اعطيك مثال لو الان نطلب من شعراء الهيلا قصيده في منتدانا ونعطيهم البيت الاول لقيت توافق بين اغلب الشعار في بعض البيوت وفي الافكار وهم بعضهم مايعرف بعض ارجو ان اكون قد افدتك تحيتي وتقديري |
|||
|
|
19-Jun-2011, 08:21 PM | رقم المشاركة : 3 | |||||
|
: : : : ليس بالضرورة ان تكون سرقة... ان توارد الخواطر امر محيّر وموجود.. منذ الجاهلية حتى زمن اليوم.. يقول عمرو بن كلثوم: تركنا الخيل عاكفة عليه ...........مقلدة أعنتها صفونا ويقول تركي بن حميد عرج بهلهن كنهن القرانيس ...........على الطريح مصوبراتٍ كضومي هنا تجد التشابه .لكنه لن يعدو كونه توارد الخواطر .. ويقول الشاعر الجاهي ألا كل وجهٍ ما خلا الله باطلُ ........... وكل نعيم لا محالة زائل ويقول ابن لعبون كل شيٍ غير ربك والعمل ...........لو تزخرف لك مردّة للزوال
|
|||||
|
|
19-Jun-2011, 10:15 PM | رقم المشاركة : 4 | |||
|
قالها عنتر من قبل هل غادر الشعراء من متردم
يعني يكررون الافكار والابيات واما عن موضوعك الصراحه لو قلت انه سرقه فانت ما اخطيت هذا احد الشعار مساعد الرشيدي يعترف انه اخذ من الفرزدق في بيته لم يقل لا قط الا بتشهده ** ولولا التشهد لكانت لاءه نعم قال مساعد حلفت لا ماقولها لك وانا حي *** الا اذا قلت انسني قلت لا تابع المحاورات تجدها تتكرر الابيات ليليا المشكله كتب تسرق من كتب بدون ان يحيل الى المصدر ان لم تكن هذه سرقه فما هي السرقه في الابيات |
|||
|
|
20-Jun-2011, 12:35 AM | رقم المشاركة : 5 | ||||
|
اقتباس:
نم هناك توارد خواطر وهو نادر جداولكن ايضا يوجد من يستغل حجة توارد الخواطر ويسطي على افكار ومعاني غيره وتوارد الخواطر يكون مع ابيات غير مشهوره ولكن الابيات التي استشهدت فيها ابيات مشهوره جدا ولا تخفى على احد وقد اخبرني احد الاصدقاء ان بيت متعب التركي سبق التطرق له في جريدة الحزيره واتهم متعب التركي بانه اخذه من قصيده للامام الشافعي وقال ان متعب التركي اعترف انه يعلم ببيت الشافعي ان كان لايرجوك الا محسن__فبمن يلوذ ويستجير المجرم واعترف انه اخذ هذا المعنى رغم ان متعب التركي شاعر مبدع ومتمكن عموما احترم وجهة نظرك |
||||
|
|
20-Jun-2011, 12:46 AM | رقم المشاركة : 6 | ||||
|
اقتباس:
وتوارد الخواطر موجود ولكنه قليل ولايقع فيه الشاعر مع الابيات المشهوره واظن ان الناقد المتمكن والمطلع يستطيع التمييز بين توارد الخواطر وبين التعمد وبعض الشعراء مثل مساعد الرشيدي اعترف انه اخذ المعنى في بيته المشهور حلفت لا ماقولها لك وانا حي__الا اذا قلت انسني قلتلك لا من بيت الفرزدق المشهور ماقال لا قط الا في تشهده__لولا التشهد كانت لاءه نعم |
||||
|
|
20-Jun-2011, 12:56 AM | رقم المشاركة : 7 | |||
|
[quote= والمطلع يستطيع التمييز بين توارد الخواطر وبين التعمد
وبعض الشعراء مثل مساعد الرشيدي اعترف انه اخذ المعنى في بيته المشهور حلفت لا ماقولها لك وانا حي__الا اذا قلت انسني قلتلك لا من بيت الفرزدق المشهور ماقال لا قط الا في تشهده__لولا التشهد كانت لاءه نعم[/quote] ^ ــ ^ اقتباس من الاخ هاجس. ـــــــــــــــــــــــــــــ مساعد هنا ( ضمّن الفكرة ) لكن يستحيل ان يكونا البيتان متشابهان اطلاقاً .. بيت الفرزدق غرضه المديح وبيت مساعد غرضه الغزل... قلت لك التضمين موجود في الصورة فقط لكن المعنى لم يعتدى عليه وكذلك االقافية تقديري لك |
|||
|
|
20-Jun-2011, 01:22 AM | رقم المشاركة : 8 | |||
|
ياخوي هاجس شعر
التركي او مساعد الرشيدي انكانهم سرقوا واعترفو هذا شي محسوب عليهم ولايوخذ غيرهم من الشعار بفعلهم وتاكد ياخوي ان اصحاب الخبره يعرفون الشاعر اللي سرق والشاعر اللي يكتب له والقنوات مضيقه منهم حتى لومااعترفوا واما توارد الخواطر فهو موجود ولااحد يقدر ينكره والشعار يعروفون اللي يتخذه حجه والصادق وبعدين شاعر النظم يقدر يستشهد سوا في الفظ اوفي المعنى ماهو بحاجه انه يسرق وتدري وش المشكله ياخوي هاجس شعر في من يصدر الاحكام وهو لايفقه في الشعر شي ولاتفهم من كلامي انك المقصود لاسمح الله ولكن باقولك سالفه حاصله كنا في مجلس ودخل علينا واحد وسمعنا نتكم عن الشاعر الكبير لافي الغيداني وعن اعجابنا فيه قال الغيداني سارق قصيده بن عون هههههههه طيب وشلون يافلان قال والله مادر ي بس يطري الفرجه ودولاجه يعني البيت ماحفظه واصدر الحكم على لافي هنا المشكله طبعا هو يبي قصيده لافي اللي يقول ودك تغني ليامنه ضرب فرجه يامل قلبن يسج وفيه دولاجه مثل هذا كيف تفهمه واذكر مثال وثاني احد الشيبان توفى الله يرحمه يقول ارسلي الشاعر فلان قصيده وارسلها كذلك على ولدعمي في الكويت واللي فالكويت يتحرى اللي يروحون للحساء ويرسلها معهم وحنا في نجد لاراحو المديد ياخذون الخطوط من تاجر التمر المعروف المهم يوم جابو القصيده لاوالله ان مطلعي ومطلعه واحد ماختلف شي هذا قبل وسايل الاتصالات والتقنيه وتدري ياخ هاجس شعر ان الشاعر يهمه حكم اهل الخبره يعني اللي يفهم الشعر اما من يصدر الاحكام جزافا على كيفه فهذا مايعني الشعار في شي ولي ابيات في هالموضوع بيني وبين هاجسي ابي اورد منها بيتين وهي موجوده في قسم قصايد وفي ديواني في الهيلا واقول فيها قال ماعندك خبر قلت وش هوبه=قال مابه طرق مهوب مطروقي قلت راع المعرفه بين اسلوبه=لوتوافق نص نطقه ومنطوقي وسلامتك واسف على الاطاله تحيتي وتقديري |
|||
|
|
20-Jun-2011, 03:09 AM | رقم المشاركة : 9 | |||
|
السرقه سرقه لكن من يمتلك شجاعة مساعد الرشيدي ويعترف
اما التحايل ان تأتي ببيت غزلي وتحوله مديح وتنسبه لنفسك هذا حكمه مشهور ((أن تكون فردًا في جماعة الأسود .. خير لك من أن تكون قائدًا للنعاج )) الا تعد ان الشاعر المبدع ناصر الفراعنه سطا عليه عيشتي مابين أسود ولو ماني رئيس ××خيرمن كوني رئيس على شلقة تيوس وصفق له الجمهور وعدوه من الابيات الحكمه |
|||
|
|
20-Jun-2011, 03:24 AM | رقم المشاركة : 10 | |||
|
:
: ماجاوبتوني على بيت عمرو بن كلثوم وبيت تركي بن حميد تركنا الخيل عاكفة عليه ...........مقلدة أعنتها صفونا ويقول تركي بن حميد عرج بهلهن كنهن القرانيس ...........على الطريح مصوبراتٍ كضومي اي واحد سرق الثاني اذا تعتبرونها سرقة!!!!!!!! طيب من السارق..بندر بن سرور والا السديري في القصيدتين اللي هذي مطالعها بندر الله من شي بحالي نحفها ـــــــــــــــ من مالجى بالقلب حالي نحيفه السديري: الله من هم بروحي سهجها ____ بخا في ضميري في كنين الحشا لاج قولوا لي اذا تعتبرونها سرقة من البادي؟!!!!!!!!! طيب هذا شليويح العطاوي وهذا الغيهبان شليويح ما يلحق العنـان هومة راسها ـــــــــــــ يا كود يركيها علـى سنـداوي الغيهبان: كودٍ على الرجل القصير يعنها ــــــــــ الا يعرضها على سندائي ياخي قلنا لكم توارد الخواطر موجود من الجاهلية الا الان .. السرقة اللي نعرفها سرقة القصيدة... |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|