سلام يا اهل الطيب وبعـاد الانـضار = سلامن أحلى من حليب المصاغـيـــر
شقح البكار اللي رعت عشب الاقفار= تقطف حلاو العشب وقت المخاضيـر
في ظل شغمومن على الوقت صبار = صـمـيـدعـن ماشال هـم الـمخاسـيــــر
قـلته بحفـل مـد له الـضيف والـجــار= قـرمن جـمـع كـل الـوجـيـه المسافـيـر
حـمـود جعـــل الله يـعـد يه الاخطـار= راعـي مضيـفـن فـاتحـه لــلمـسايـيـــر
انتم هل الطولات والطيـب و الـكـار= زحـول الـرجال الـلي تهــد الـطـوابــير
لـكـل مـنـكـم عـنـد نا واف الاذكــار= اعـمـكـم مـا خـص واحــد عـن الـغـيـر
رؤس الرجال الوافـيه سر وجهـــار= أمصطرين الطيب و المـجد تـصـطـيـر
الطيب و هبه مال احـد فيه مـقـــدار= مــن عــنــد خـالـقـنا و لـي الـمـقـا د يـر
يعـطيه من يعـطيه رزاق الاطـيــار= مـن عـنـد ربـي مـا يـجـي بـد نــــا نـيـر
حكمت و لي العرش علام الاسرار= أقــــولــهــا قـــدامـكــم بـتـعــا بــــــيـر
ولشيخ ابــو نايـف تحيـه ومقدار = فــيـحــان ابن تـركي ربـيـع الـمـقاصيـر
غيثن لمن ينصـاه من كل الاقـطـار= مـن جـاه يــبـشـربـشـحـم وا لـمـباهــيـر
تـرجعله الهيلا الـيـا صار ما صار = بـالـيســر ولـى فــا الـلـيال الـمـعـاسـيــر
حرزن لهاعن مايل الوقت لاجــار = ســبــع الـسبـاع اللـي يـفــك الـمـظـاهــير
لاثارت البندق وبعض العرب نـار = تــلـقـاه يــقـصـب فـالـرجـال الـمـناحـيـر
دون الـقبيـله ثابـتن مـثل سنــجــار = راســـن لـــهـا هـــداج ورد ومـصـاديــر
من طيب راسه ماتســمع للـشــوار = ما يـستـمـع في هـرج عـذال ومـشـيـــر
صميدعـن ماهـوب للـعـهـد بـوار = يـافـي بـعـهـده مـايـجـي مـنـه تـقـصــير
شبل الاسود الــلي مشاهير وكبار = الـكـل مـنـهـم بـيــنـن كـنـه الــنــيـــــر
وابن شريم اللي تجي نـاله اذكــار = شـفـنـاه شـوف الـعـيـن شـوق الـغـنادير
شفناه يوم الـوقـت من فــوقـنـا دار = دارت راحـاه وجــرنــالــســفـل الــبـيـر
شيخن يمينه مثل هتداف الامطـار = من صلب يام اهل السيوف المشـا هـيــر
من صلب يام اللي توقد كما النار = بـيـاعـت الارواح دون الـمـعــاشـــيـــر
بذل لـنـا مـالـه وجاهــه بـلااكــدار = قال ابـشـرو مـعـكم عـلى الـشـر والخيـر
هذا كلام الـشيـخ طالب وماصار = سيـفـن مـجـرب مـن سـيوفــن بـواتــيــر
لاعل عمره من طويلين الاعـمار = شـيخـن تـهـلـيـبـه جـمـيـع الـجـمـاهــيــر
في ضل اخو نوره عماء كل غدار= سـم الـحـقـود اللـي عـيـونـه مـطـأيـيـــر
عسـاه يـسلم سيدي طـيـر غـيـمار= اللـي بـحـكـمـه عـمـر الـشـرق تـعـمـيــر
ملـيـكنـا الـغـالي كـما الـوالد الـبار= فالــقــلــب دائـــم لــه مـعــزه وتـوقيــر
عبدالله ا لـلـي فـالـمـهـمـات جــبـار= يــفــتـح مــعـابــيــرن ويـقـفـل مـعـابـيـر
يعيش ابو متعب لنا ضل وسـتـار= مــن هــيــبــتـه عــنـا الـذيــابـه مــدابـيـر
بــولايتـه بـمـان مـن كل الاشـرار= خـادم بـيـوت الله مـن اعـدن مــخــامـــير
جــبـار للـطـيب وللـشـيـن كسـار= طــوال الــعـلـوم ا لـيـا لـفـنـه مـقـاصــيــر
اليا وقف له ماقفن يجلى الامرار= كـبار الـرجـال تــروح قـدمـه عــصـافـيـر
قايد مسيرتنا على الطيب مغوار= ابن الــذي فـوق الـنـضـى واصـل السـيـــر
الوقـت كلــه فـوق نسـاع الازوار= مـرن مـســانـيــدن ومـرن مـحـاديـــــــــر
يصبـح بدار ويـمسي الليل في دار= يـا لـيـن غـير كـل الاوضـاع تـغـيـيــــــر
عبدالعزيز مطوع الصعب بيطار= حــكــم بـسـيـفـه نـجـد وحـده عـن الـغــيــر
وجاب العيال اللي مطاليق وخيار = الكـل مـنهـم بالـشـجـاعـه كـمـا الـزيــــر
ظلن للشعب المملكه طول الاعمار= مــلوك الـجـزيـره لـلـمـعـادي زمـهـريــر
الـله يـعـديـهـم صـواديـف الاضرار = فـكـاكــت الانــشــاب فــعـالــت الـخـيــر
ورجــع لـبـن نـايـف محمد بلأشعار = الـلــي ســلــم مــن مــقــلبـن للـخـنازيـــر
أسـتـقـبـلـه فـي مـجـلسـه مارغــدار= لـفـاه يـشـكـيـلـه ولــه مـقـصـدن غـــيـــر
خـبـلن بغى يحتال في حامي الـــدار= مايـعــرف الــشــيــمــه رديـن معـيـثـيـر
شاله ولي العرش من فوق الاسوار= بـيـن الـسـمـاء والارض غـادن شـــعـاثـير
وتـنـاقـلـت عـلـمـه مـحطات الاخبار = وقـامـت تـبـث انـا الـخـبـر والـتـباشـيـر
وقـمـنـا نـصلى لـلولي وقت الاسحار = الـلـي لـنـا سـلـم زبــون الـمـنـا عــيـــر
ويـا ميرأنا طـالـبك يا واف الاشـبار = ابـجـاه رب الـكـون وال الـمـقـاديـــــــر
تـقـبـل عـيـالـي لـك هــديــه للاقدار = عـصـن لـيـمـنـاك الـكـريـمه وتـقديـــر
اقـبـل هـديـت خـادمـك يـابـن الاحـرار = واخذ الـعـيال الـطـيـبيـن الـصعاطـير
وصـلاة ربـي عـد خـلـقـه والاشـجـــار = عـلى الـذي حذر عـن الـشـر تـحـذيـر
« آخـــر الـــمـــشـــاركــــات »
06-Jul-2011, 03:23 PM
هذةالقصيدة للعريدي في حفل قبيلة العردة
العرض العادي
