الســـلام عـلــيكم
اخواني اعضاء وزوارمنتدى الهيلا عتيبه الشامخ اهديكم هاذي الابيات وامل انتحوز على رظاكم
واناعتيبي وأحب المطران من غير قصورن في القبايل الثانيه
انا اقول انهم ماضي وحاضـر=صحيح مطير حمران النواظـر
شهادة حق ابا اشهدها لجاري=سواليفـه يسـرن الخواطـر
ولاهي شهادة الرخمه لرخمـه=شهادة ظافرن يشهـد لظافـر
انا اقوله وانا ربعـي عتيبـه=اهل قحصن محـذات الحوافـر
سعدك ليا اسرجوهن واعتلوهن=حوافـرن يدكـن المخـاطـر
وأهل شلفن تصيب لياء رموها=وأهل سيفن حدب للعنق باتـر
ليا حلو بـدارن شـدو أهلـه=رحل منها كبير وحـل كابـر
لاكن مطيـر لاتظلـم نصيبـك=سل التاريخ عنهم ويش خابـر
هل التاريخ في شطر الجزيـره=على سرد المهار وكل ظامـر
وأهل يوم الصباح يقود جيشه=ويوم ابن رشيد يجيـك غايـر
بغارتن العوارض عارضوهـا=بحق الموت لعيونـن تناظـر
وأهل مشذوبه الـي ورخوهـا=على وضح النقاء مافيه غـادر
لحمـران النواظـر سجلوهـا=تغنيهـا البلابـل ف المنابـر
وجاها آغا العقيد بكل جيشـه=وراح وكل جيشه ف المقابـر
نشدت آغا العقيـد التركمانـي=بعد جاهم كبيـر ورد صاغـر
علـى بوابـة القسطنطنـيـه=مودعن العتـاد مـع الكـوادر
وفيها أستقبلـه سليـم الاول=منتفن الشـوارب والصوابـر
بعد زار الحرار وعـاف رايـه=طمع فيهم وبلش بكـل كاسـر
قرانيـس الحـرار المستهـده=نوادر مـا تجيـب الا نـوادر
كلامن راعي الزرقـاء يقولـه=مهو مدفوعن أله بمـال ثابـر
وانا أقول انهم ماضي وحاضر=صحيح مطير حمران النواظـر
مع تحيات اخوكم
(راعي الزرقاء)
التوقيع |
صاحبي عوده ليان أليا ثنيته=مودمين كنه الداب يتلوى
مودمين طول عمري ما لقيته=مالقيته في عيال آدم وحوى
والجديل الي عليه الياء رميته=قام يسترسل طويله ويتطوى
(فيصل مطر) |