مجاراة الشاعر عبدالله مقبل العصيمي للشاعر رشيد الزلامي

[ابو شامه البرقاوي]

قصيده للشاعرالكبير رشيد الزلامي



يابن بديَع وقفت بي على الشاط
الموج عالي والسباحه مخيفه
تعبت ماباقي من الجهد قيراط
دفيتها لين ابركت في النصيفه
في رحلةِ مابين تموز وشباط
عنوانها واضح بصدر الصحيفه
راحت سدى باسباب تفريط وافراط
واستنزفت دم القلوب النظيفه
لوكنت من شيد حضارات الانباط
فوق الجبال الشامخات المنيفه
ولو كنت بالحكمه منافس لسقراط
باح الكلام , وصدرتبي امعيفه
طال الزمان وجرح الايام ماخاط
ينزف وعيا لايوقف نزيفه
فقدت وقفات السدارى هل الغاط
اهل المواقف والنوايا الشريفه
الياطرى لي شخص ابوزيد , تنساط
كبدي ,,وقلبي مايهود رجيفه
وقدام يدخل خاطري ياس واحباط
او يقتحمني سيل وادي حنيفه
افزع وناد الهاجري وابن شلحاط
ومدغم وابن قضعان وايضا ابن ريفه
ولابد لك بمحمد الذيب تحتاط
يكفيك عن عنتر ورمحه وسيفه
انا بذلت الجهد في كل الاوساط
لكن دنيا خاتمتها ضعيفه
ماتصفي الا مع منافق وخراط
ومعوقِ باقي لجده خليفه
رزقه حرام ولايجي غير نقاط
وغير النذاله مالقى له وظيفه
يجعل يلقطهم من القاع لقاط
ومن الغضب تنزل عليهم قذيفه
تضرب جماجم روسهم ضرب مخباط
لين الوليف يقوم يلعن وليفه


مجاراة الشاعر عبدالله بن مقبل العصيمي



سمعت قافٍ للزلامي على آط
قصيدة تاطا السهل والحتيفه
عملية دارت على سعبه اشواط
وكلن تلوى في خطام العسيفه
غنا وحدد له مواضيع وابناط
ولا شفت لكبار الشواعير شيفه
فقدت لي مطران وحروب وسواط
وباقي عتيبة ما حواهم ارشيفه
ولاني بمكلوفن بتعديل الاغلاط
ولا في المطيه خرجها والسفيفه
حنا لنا في مجلس العرف مقلاط
وانظارنا ما هيب والله قصيفه
نويت اوضح جمله حروف ونقاط
ورمي الهدف يحتاج يمناً ذريفه
ايامنا قامت تخبط تخباط
ودوراتها بعض الليالي عنيفه
رشيد دارتبه سريعات ونشاط
اقفى ربيع العمر واقبل خريفه
شاعر وامير ولابسن تاج وانواط
مقدام ربعه في الامور الكليفه
امسى يدير الفكر والبرق شعاط
امشوقه برق الجنوب برفيفه
شاف الربيع اللي على دار الاسباط
وقالوا له ان الدار دايم مريفه
وفزع وفي مخباه عشرين مغاط
يبا يجيب الفايده في النكيفه
ومن الذهب وده يلمه بملقاط
والاّ يحصل من عشاهم غريفه
وأرض الكنانه شعبها نصفه اقباط
كبار البطون أهل العقول الصخيفه
كذب ونفاق ومدت يدين واهياط
وطقوسهم وسط الكنيسه خفيفه
تنزيل روس ونار فانوس وشياط
واطيبهم اللي ما يعلم حليفه
وليا انتهوا ساحوا مع الارض هباط
كلن يدورله عرب تستضيفه
ولو في بلاد الفرس للجرح خياط
شافت عيون الى عيونه كفيفه
والاّ انت يابو زيد بالطيب منحاط
رجل عفيف ومن رجالٍ عفيفه
شربك من الزيمه وزادك من رهاط
ورزق البحر للي سكن فوق سيفه
وان كان شفت الروس وصلت للاباط
ممات عز ولا حياةٍ كسيفه

[حمود بن خيشوم العصيمي]

صح لسان الشاعرين رشيد وعبدالله بن مقبل

[فهد العازمي العتيبي]

..

صحت ألسنتهم ابوجميل والعصيمي

ولاهنت اخوي على النقل ،،،

التوقيع

للتواصل على تويتر https://twitter.com/falotaibi5115 ،،

[محمد الذيابـــي]

لاهنت يالغالي على النقل الرائع



تقبل مروري وشكري

التوقيع

التوقيع محمد الذيابـــي

[سلمان المرشدي]

الله ياعبدالله العصيمي

اجمل قصيده ردت علئ امير الشعراء رشيد الزلامي

صح السان الشاعر ولاهنت علئ النقل يالغالي

[بندق عتيبه]

لاهنت ع النقل

تقبل مروري