أمرٍ يهول

[غالب الذيابي]

دار الزمان وشطنا فاض بالطرش =من كل شكل وكل مذهب وطينة
أغراب . واستولوا على السوق والقرش=ياما غدى فــ ..جيوبهم من ثمينة
أغباهم الهامور والحوت والقرش=وأذكاهم اللي محتكر له مدينه
جونا حفاة ، ونصبوهم على العرش=عرش اقتصاد المملكة ناهبينه
نظامنا لـ ..اقدامهم ضبّط الفرش=وابن الوطن كل الدواير تهينه
أمرٍ يهول ومشهده يطبخ الهرش=اللي من أول للصحاري سفينة!!
وحنا ورى الموضات ومزاين الحرش=نسوقها للمهزلة والضغينة
في منظرٍ ما يرضي مكون العرش=واللي على سلم العرب منكرينة

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[الثناا]

صح لسانك ياغلب ل اقاهم ان كان ماني واهم انك نسيت الميم والا علمني وشنهي

موضوع راىع مار من تعلم يابو شنب*

[غالب الذيابي]

:
:
:
:



صدقت اخوي .. جل من لا يسهو..


الصواب ..لــ اقدامهم

[فهد علي العازمي]

وحنا ورى الموضات ومزاين الحـرش***نسوقـهـا للمهـزلـة والضغـيـنـة

أنا أشهد



صح لسااااااانك يابو سلمان

[غالب الذيابي]

المشاركة الأصلية كتبت بواسطة فهد علي العازمي

وحنا ورى الموضات ومزاين الحـرش***نسوقـهـا للمهـزلـة والضغـيـنـة

أنا أشهد



صح لسااااااانك يابو سلمان

صح بدنك يافهد.. الله لايهينك على المرور اللي اسعدني.

[ولدعساف]

وش اقول ياغالب .. صح لسانك ولا فيك حيلة . تطرقت للمعنى بشكل محترف ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[غالب الذيابي]

المشاركة الأصلية كتبت بواسطة ولدعساف

وش اقول ياغالب .. صح لسانك ولا فيك حيلة . تطرقت للمعنى بشكل محترف ..

سلمت ودمت يا ولد عساف ، الله لايهينك على الكلام الطيب.

:
:
:

[سافر]

اخي غالب صح لسانك وعتلا شانك
وتقبل مروري على متصفحك ولك
تقديري

[غالب الذيابي]

المشاركة الأصلية كتبت بواسطة سافر

اخي غالب صح لسانك وعتلا شانك
وتقبل مروري على متصفحك
ولك تقديري

صح بدنك اخوي سافر ، شكرا لمرورك لاهنت.
:
:
:
:

[سعد المسـعودي]

... الشاعر : غالب الذيابي
هنا قراءت نص لايتقن نزف ماجاء به من تمرير
صور شعريه .. إلاّ شاعر متمكن .. على شاكلتك ..

مع أنني .. قد أختلف معك في البيت التالي :

وحنا ورى الموضات ومزاين الحرش=نسوقها للمهزلة والضغينة
حيث أستشف ماخلف سطور مضمونه .. للتعميم ..
والحقيقة إن هناك .. من فئة الشباب بالذات ....
والذين قد توفقو .. في الإنخراط بتأسيس مشاريع تجاريه صغرى
وغيرهم .. بعيد كل البعد .. عن ماجاء بالوصف في البيت المشار له
ولكن .. قد تكون الحالة المدادية التي تحول دون المتاجرة أحد الأسباب
الهامه ... للإبتعاد عن السوق التجاري .. مما أتاح للوافدون .. الفرصة الأكثر
حصد للمكسب ..

...

لـأقول إلاّ وبكل أمانه قد رااق لي هذا النص ..
فصح لسانك .. ولاهان رأسك

أحتراامي

التوقيع