لاوالله الا صاد ساهر حبيبي=وهوه مروح مع طريق السفارات
يقول خلك يااسماعيل ذيبي= والسايق التفكير عند الجوازات
صاده وذا ماهوب وضعن غريبي=دامه على الطرقات مثل الخفارات
نصيح لاكن مالقينا مجيبي=جنا على العالم وكم واحدن مات
حتى المرور من الوضع مستصيبي=لصق على اللوحه وهاب الاشارات
يهيب ياساهر ياساهر يهيبي=تبرق ماتفصل دايم بكل الاوقات
تنهب اجيوب الخلق مع درب جيبي=وتقول انا اقرا الفاتحه والتحيات
تدبل خطانا ماتخاف الرقيبي=واليوم تملك من جهدنا عمارات
عفنا نظامك ياردي النصيبي=صرنا نواجه من سببك الصعوبات
متى تجي انفاق مترو قريبي=بنقرش مواترنا وننصا القطارات
« آخـــر الـــمـــشـــاركــــات »
ســــــــاهر وحبيبي ؟؟؟
العرض الشجري