السلام عليكم
وكل عام وانت بخير
وحبيت ان اشارك معكم بهذه القصيده
ربما شاركني الكثير من الناس في المعاناة التي تتحدث عنها
القصيدة التالية
متمنيا ان تنال اعاجبكم
ليش صارت نظرتك صاحبي نظرة عيوف=وفي حياتي صاحب ما طعنتك فـي قفـاك
كيف تسمع هرج واشي وهـذارٍ زهـوف=وانت ما شافت عيونك ولا لمسـت يـداك
كنت أحسبك مسندي يوم تشتد الظـروف=بس يا ذيب الخلا وش ورا جـرة عـواك
أعرف أنك لا بغيت العشا تقـدر تحـوف=وانتبه يا ذيب يوجعك بطنك مـن عشـاك
جيت أدور حق مبغـا شفاعـه ومعـروف=جيت أوضح ما حصل من خطا هـذا وذاك
قلت شوف الحق واضع وكنك ما تشـوف=مير أنا مدري علامك ولا دري وش بلاك
وين ضحكات الثنايا وصفقـات الكفـوف=يوم أعبر عن شعوري وحسسك ابغـلاك
صرت في موقفك مثل النقاط ابلا حـروف=عرفتنـي مستـواي الكبـر ومسـتـواك
وشفت في موقفك عله وفي شمسك كسوف=وشفت في حاجبك تعبير واضح عن رضاك
قلت أفارق عنك وأقفي بتعريض الكتـوف=بعد خابت هقوة اللي عنـا يمـك وجـاك
وش شعورك يوم لفت الضلوع العوج لوف=وش شعورك تعترف في خطا ما هو خطاك
ولا تضيع إلا حقوق الزلايب والضعـوف=ويلزمك تعرف ثواب ابطريقـه محتـراك
لا تحسبني بتجريحـك القاسـي عـزوف=وقفتي هي وقفتـي مـا يغيّرهـا جفـاك
ولا يداوا الجرح فيني شعورك بالحسـوف=مير يا جرحي تـرا البعـد والفرقـا دواك
وخاطري يا هيه لا تحسبه خاطر هنـوف=تكسره أو تجبره مثـل مـا يبغـا هـواك
خاطري خاطر بعيد المرامـي والشفـوف=واملك الرجال بالجـود والطيـب امتـلاك
وجعل يبتر عظم ساقي من ارهاف السيوف=لو اشوف الموت ما خضع لمثلك أو سواك
لو تفرشنـا الجريـد وسكنـا فالكهـوف=(عهد) يا قلبي لداويك وابـلا مـن بـلاك
زود بعنـادك وزود التصـدي والوقـوف=يا بلغنـا قمـة العـز يـا نهلـك هـلاك
ما نحّول مـن سنـام المعـزه للـردوف=ولا يخالط ريحة العود الأزرق عـود راك
ولا نعيش أبذل والقلب ما يدخلـه خـوف=والفنا والمـوت واحـد هنـا ولا هنـاك
يالكتاب اللي جعلتك على الرف أمحـذوف=ويش تعني غير رسم الغلاف اللي زهـاك
لا حقيقة واضحة لا معانـي لا وصـوف=من خطاي أني قريتك وأخطا مـن قـراك
شــــعــــر /
ثواب بن زيد الحارثي
« آخـــر الـــمـــشـــاركــــات »
15-Jun-2005, 02:29 AM
أحلى وأمر قصائدي....لي
العرض العادي
