اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
07-Feb-2012, 06:44 PM | رقم المشاركة : 1 | |||
|
لا زول يبرالي ولا صوت مسموع !
يا هيه ياللي للمواليف بياع = ترى الوفا بين المواليف مشروع
قلبي على قطع المواصيل مناع = وقلبك على فرقا المحبين مدفوع البارحة ونيت والناس هجاع = والعين عيت تنهي الضيق بهجوع والحزن غيمة برقها يوجع أوجاع = رعادها آهات وفياضها دموع والحب مركب فالبحر ماله شراع = والوصل شاطئ عشق واحلام وشموع والصد موجٍ عاليٍ يقلع إقلاع = والغدر ليلٍ بالعواصيف متبوع تدري وش اللي من ورى حدب الأضلاع ؟ = قلبٍ وفى لك من خيانتك مفجوع أهديت لك قلبٍ متيّم ومنصاع = واهديتني حرمان واشبعتني جوع أمسيت صافي بال واضحيت ملتاع = لا زول يبرالي ولآ صوت مسموع ليتك تشافي علّة القلب باسراع = وليتك على غيري من الناس ممنوع وليتك تمرّ اليوم وتشوف الأوضاع = حتى ايش لو حبل الرجا فيك مقطوع حبيت طبعك لكن الطبع خداع = ما كنت أحسب انك على الغدر مطبوع أن قلت عفتك عاند القلب ما طاع = يحن لك ويمني النفس برجوع وان قلت أحبك تشتكي كل الأوجاع = كني على حمر اللواهيب ملسوع بصبر لو أن الصبر للقلب جزاع = كسير ومحطم وضايق وموجوع |
|||
|
|
07-Feb-2012, 07:01 PM | رقم المشاركة : 2 | |||||
|
..
صح لساانكـ ,, ولا عدمناكـ.. ..
|
|||||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|