قصيدتي في قبيلة الثعاليه

[عبدالله قطنان القوبع]

القصيده موجهه مني لقبيلة الثعاليه حيث انهم يستحقون المدح
مني ومن غيري ومهما قيل فيهم من الشعروالمديح فلن يوفيهم حقهم
امل ان تحوز على رضائكم



الرابط للحفظ كلك يمين وحفظ باسم
http://www.odyani.com/audio/athalih.wav

يانديبي قم وخذ مني بياني=فيه تحديدالعلوم الاوليه
فيه تحديد القبيله والمكاني=وفيه من صدري لحونن سامريه
وده لديرة عريبين المجاني=خطها تلقاه من دون الحويه
لاتجنب للمعارف والعواني=امسك الخط اتجه للقنصليه
اسمهامن حيث ترتيب المعاني=حسب عرفي فالحروف الابجديه
من قبل حكم الشريف الها كياني=للقبيله نعتبرها مركزيه
من غلاها ماتضام ولاتهاني=ديرتن مادنسوها العربجيه
طيب اهلها صارللديره ضماني=سجلوها في سجل العالميه
لان صارت شانها فالدار شاني=شامخه والها مصادر مرجعيه
يانديبي لاتجي عشرك ثماني=لاتجيك ام الركب وتبور فيه
الرخامه ماتجي غير الهداني=والضعيف اللي يدن الهاشميه
لاتراجع يوم شفت الوقت حاني=سرها مسرى جنود العسكريه
الغشامه لاتخليك امتواني=خلها لأهل العقول البربريه
مثل قومن يلعبون الديلحاني=مايعرفون الحصان من المطيه
وانت حر وكاسبن كل الرهاني=صامل الزندين وعزومك قويه
اتجه للغرب لاجاك الهواني=لايهمك لاكثير ولابليه
لان تاصل دار مروين السناني=الرجال اللي يحلون القضيه
عانهم ياصاحبي يم المحاني=والمحاني من عصورالجاهليه
مذخرة ثعلي لعله للجناني=هم هل البيرق قضاه بوارديه
لو يطيح الحر ويطيح الحصاني=ماجلس رجالهم فالمهمهيه
فالقبايل كنهم نجم اليماني=مايكبون الظفر والعنصريه
الظفر في روسهم قاصي وداني=والشهامه والمروه والحميه
الشحم تلقاه في بيض الصواني=والدلال مبهره والنار حيه
والنجر يصقع وجاين له غناني=ماتجيك مبهره فالزمزميه
وارد الرسلان ودقاق المثاني=فوق جمر اللي توهجر مجذويه
وسطهن الهيل غيرالزعفراني=مايحطه غير من كفه نديه
والقبول اللي يشرف كل عاني=غيرها قولة هلايالله حيه
يكرمون الضيف بالحيل السماني=منبع المعروف واليمنا سخيه
لوتعدى البيت الادنا فانت جاني=والله انك ماسلمت من الخطيه
لاتجاهل سلمهم يامودماني=مايسرك قول غلطه مطبعيه
لاتقول فلان وادور فلاني=الموالي سلمه ظرف الوصيه
قل ولد قطنان مرسلني تراني=هاكم المكتوب قبل الشاذليه
لاقروه ايجيك رده في ثواني=من كبير القوم والا من لديه
رد وافي مايبا له ترجماني=خابرن رد الحرار الصيرميه
يبهجون الخاطر اللي مايداني=ويفرحون النفس لو كانت شقيه
من بعدها للمواقف علم ثاني=لادعى الماقف على حوض المنيه
من عوايدهم ليا مس البطاني=ينطحون القوم قدام السريه
كم غريمن ذاق ضرب الجبخاني=يوم شرهه فالرباع وفالثنيه
انشدو عن فعلهم قبر الجناني=وانشدو قبر الجناني عن سميه
الحقايق باقيه والعمر فاني=ذكرها من واجبي حقن عليه
مايفط النورغيرالسيفهاني=والحقود اللي على عشرين نيه
وان عصاك العرف والله ماعصاني=قلدوك السيف والابندقيه
عادة الشجعان من ماض الزماني=غيثهم سوات غيث العقربيه
مزبن اللي لارفيق ولاخواني=ومزبن اللي جاه ضيمه من خويه
العرب تبني على روس المباني=خل نظرتنا لمبنا الفيصليه
والله انا مانطالع للطماني=لو نجي مابين شمس وبين فيه
لوعلى درب الوطى دربي حداني=احتدي لوانحرالدار الخليه
وابك انا مرسلك لطوال اليماني=ماوراهم غير حد الجاذبيه
يوم زان القاف والواجب دعاني=كل ماقلته فعولن واقعيه
بينه للناس والخافي يباني=والله اعلم بالبيان وبالخفيه
جاك علمي كان توحي بالاذاني=يانديبن مايبا مني جزيه
الك مني كان ماسرك لساني=اقطعه والااتركه وكويه كيه

[عزارم]

صح لسانك ياطيب

[عبدالله قطنان القوبع]

المشاركة الأصلية كتبت بواسطة عزارم

صح لسانك ياطيب

صـــح بدنــك

[فهيد مقعد الرويس]

وصح لسانك وبيض الله وجهك

ويستحقون الثعاليه المدح

تحيتي وتقديري

[عبدالله قطنان القوبع]

المشاركة الأصلية كتبت بواسطة فهيد الرويس

وصح لسانك وبيض الله وجهك

ويستحقون الثعاليه المدح

تحيتي وتقديري

صـــح بدنـك وجهك ابيض
شكراً لك على مرورك الطيب

[عبدالله قطنان القوبع]

المشاركة الأصلية كتبت بواسطة فهيد الرويس

وصح لسانك وبيض الله وجهك

ويستحقون الثعاليه المدح

تحيتي وتقديري

صـــح بـدنـك وجهك ابيــض

[عبدالمجيد الثعلي]

بيض الله وجهك وصح لسانك


ما إفتخرت ألا في بني عمك ياذخر الزحول



صح لسانك وبيض الله وجهك مادمت تكتب

[عبدالله قطنان القوبع]

المشاركة الأصلية كتبت بواسطة عبدالمجيد الثعلي

بيض الله وجهك وصح لسانك


ما إفتخرت ألا في بني عمك ياذخر الزحول



صح لسانك وبيض الله وجهك مادمت تكتب

وجهك ابيض طال عمرك وصح بدنك

[ابو ضيف الله]

صح لسانك يا عبد الله

وسبعين نعم بالثعالية وهم يستاهلون المدح

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[عبدالله قطنان القوبع]

المشاركة الأصلية كتبت بواسطة ابو ضيف الله

صح لسانك يا عبد الله

وسبعين نعم بالثعالية وهم يستاهلون المدح

صـــح بدنك وطال عمرك