الجيب مع عرق النفود

[سعود حباب العتيبي]

تل قلبي تلة الجيب مع عرق النفود= شحطه بثنين ثم بالثلاثه بد له
في طلب ربع ٍ محيلين مع قطعان ذود = كل ماجا يصفح العرق يمه عد له
مشتريه من البريمي وحطله الوقود = لا لقاله فرجه ٍ تستوي له سد له
قد ضواه الليل ماشاف رود ولاوجود = موحش ٍ جو الطبيعه وجاب معد له
وطرقه مع جنب عرق ٍ سنع دربه سنود = كل ماجا يفقد العزم قام ورد له
والجماعه محترينه على شط القعود = في ربيع ٍ كن ذوده تقول مبد له
ماتبى الا ذكر ربي ويكفيها الحسود = شوفها يبري جروح ٍ بقت متند له
جوها هادي و رويح النفل يبر الكبود = في زمان ٍ كل يوم الكريم يمد له
وراعي الجيب اظلم الليل والدنيا ركود = كود نور ٍ كل ماصد عنه يصد له
وصاب نفسه خوف واوقد على الجيب الوقود = جاهز ٍ يعطيه والنور قام يلد له
واعتلاه الخوف والنور من ربعه ورود = واحتساهم بالقشر والسلاح يرد له
وانتهت به عند ربعه على طرق النفود= الدلال مبهره والحليب يمد له
وانتهت بالجيب في رحلة ٍ فيها صمود = كنه اول جيب واللي يمر يصد له
مار قلبي تلته من تسمى بالعنود = بنت شيخ ٍ من يعد المكارم عد له
ذبحتني ذبح حر ٍ على درب الشرود = طير شيخ كل ماشاف جول يهد له

[حمدان العضياني]

والجماعه محترينه على شط القعود = في ربيع ٍ كن ذوده تقول مبد له


لو لم تقل الا هذا البيت لاكتفيت بان تكون شاعرعملاق


صح لسانك هذا والله الكلام يابو حباب

[سعود حباب العتيبي]

الاخ حمدان العضياني لاهنت على هذا الاقتباس وتستاهل شط القعود
شكرا على مرورك

[وصل الشهيب]

تل قلبي تلة الجيب مع عرق النفود= شحطه بثنين ثم بالثلاثه بد له
في طلب ربع ٍ محيلين مع قطعان ذود = كل ماجا يصفح العرق يمه عد له
مشتريه من البريمي وحطله الوقود = لا لقاله فرجه ٍ تستوي له سد له
قد ضواه الليل ماشاف رود ولاوجود = موحش ٍ جو الطبيعه وجاب معد له
وطرقه مع جنب عرق ٍ سنع دربه سنود = كل ماجا يفقد العزم قام ورد له
والجماعه محترينه على شط القعود = في ربيع ٍ كن ذوده تقول مبد له
ماتبى الا ذكر ربي ويكفيها الحسود = شوفها يبري جروح ٍ بقت متند له
جوها هادي و رويح النفل يبر الكبود = في زمان ٍ كل يوم الكريم يمد له
وراعي الجيب اظلم الليل والدنيا ركود = كود نور ٍ كل ماصد عنه يصد له
وصاب نفسه خوف واوقد على الجيب الوقود = جاهز ٍ يعطيه والنور قام يلد له
واعتلاه الخوف والنور من ربعه ورود = واحتساهم بالقشر والسلاح يرد له
وانتهت به عند ربعه على طرق النفود= الدلال مبهره والحليب يمد له
وانتهت بالجيب في رحلة ٍ فيها صمود = كنه اول جيب واللي يمر يصد له
مار قلبي تلته من تسمى بالعنود = بنت شيخ ٍ من يعد المكارم عد له
ذبحتني ذبح حر ٍ على درب الشرود = طير شيخ كل ماشاف جول يهد له

سعود حباب العتيبي

الله عليك ياسعود

هذه القصيده عنود القصايد وتستاهلها العنود

صح لسانك والله

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[سعود حباب العتيبي]

الاخ وصل الشهيب مرورك شرف واشادتك وسام
شاعر كبير ويهمنا رايك
تحياتي

[راعي القوافي]

لاهنت ياسعود وصح لسانك

[سعود حباب العتيبي]

شكراَ ياراعي القوافي
ادامك الله

[سعد بن مطلق المقاطي]

صح لسااااانك يابوفهد


قصيده طيبه وليس غريبه من سعود حباب

التوقيع

ديــــــــــــــــواني