اساعدة من روق للشاعر حمد الاسعدي

[ضحيان]

الله لا يجزاك بالخير شيبه = عرضتني قيضية ما به ظلال
مشيتني درب السمايم غصيـبـــــه = حديتني للغيض في بدع الأمثـــــــال
الدرب ألاقشر والخطأ وشتبيبـــــه = بين اللحم والعظم سويت مد خـــــــال
بانت علومك بالعلوم العجـــيبـــــه = غلك تبين لو تخفيت بجـــــــــــــــلال
دورت لك عذر بما تدعيبــــــــــه = والله ما حصلت لك عشر مثقـــــال
ياهـن مالك من ورانا طلــيبـــــه = لانتب ولد عم ولانتب ولد خـــــــــال
حـنا مواكرنا براس الجذيبــــــــه = واللنا على روس الشواهيق منـزال
أساعده من روق فزعة عتيبـــــه = الورع منا عن ثلاثين رجــــــــــــــال
ماحدنً تهـقوانا واخذها غليبـــــه = الله مسلطنا على كل من عــــــــــــال
مانلتفت فالناقصه والعطـــيبــــــه = ولاتعودنا البكاء عند الأطـــــــــــــلال
حقوقنا ماضاع منها سبـيبــــــــه = اخذوا قضاهم غصب ذربين الافعـــال
ميقافنا بيّن وكــلن دريــبـــــــــه = على النضاء والخيل وعلومٍٍ اجـــزال
اجدادنا يوم الليال العصيبــــــــــه = يزبنهم الخايف ويامن ويختـــــــــال
يذري ذراهم بين قدرن وهيبـــــه = بنوّ منازلهم على نايف الجـــــــــــــال
منهم سعد سقم العداء نعتزيــــبه = زبن الدخل معّدل الخصم لا مـــــــــال
ابن حتيرش يوم الانفس غضيبه = سعد سعد من لاذ به عن لضى الـلال
مع شايع الامسح وقف للمصيبه = ماصد عن نخوة كريمين الاسبـــــــال
تزبّنه شايع وخيب طليبــــــــــه = امن دخيله من رياجيل و اهـــــــوال
يوم اليالي شحاح ما ينصخي به = والمومي ضحيان للضيف مدهــــــال
ناره بعيد الدار يمه تجيبــــــــــه = الــلي على ابلق شاع صيته ولا زال
ذباح الاوسط من غوالي نصيبه = ارخص حلاله واتبع الفال بعقــــــال
تاريخ ماتقدر بذمك تذيبــــــــــه = اوضح من الشعله على روس الاقذال
يوم الكرم من قل نفسه تطيبـــه = يالله عسا له جنة الخـــــلد منزال
ويوم انك لحالك سوات الذهيبه = ذروك عن لفح الهبايب و الامحال
سموك بسم الطايلات العريبـــــه = ولاعاد تبغى لأسمك العـــــام دلال
والناس تدري كيف جات الكسيبه = واللي لبس له بشت وثيـــابه اسمــال
مثيب ماسرح علوم تثيبــــــــــــه = اختل تفكيره و ضـــــــواله هبــــــال
ولاهي على مثله وجنسه غريبه = اللي بليا ســــــــاس لا بد ينهــــــال
قالوا انه لافين كالربيبــــــــــــه = وحطوه من ضمن العرب واثره احثال
فيحان بشعاره نسبك لزبيبـــــــه = بثبات من راع المثايل بعد قــــال
يوم ادركوه بمدركه وابتلي بــــه = اللي تعلق في عبيـــان بحبـــــال
خيبت تعب ماورثت غير خيبــــه = ومن التويبع ما بعد وادين ســــال
افتى بليا علم واردى نصيبـــــــه = يبحث عن الشهره على شين الاعمال
مافاد خير ولاحسب للمعيبــــــــه = عفن العباة اللي سمعتوا با لأمثال
ولا كل ليل تامنه ينسريبـــــــــــه = و لا كل عقده يالمعيدي بحــــــلال
والرجل منطوقه يعرفك غيبـــــــه = هذا مثل ناتج تجاريب الأجيـال

آخر تعديل ضحيان يوم 09-Aug-2007 في 02:40 PM.

[حافي نت]

صح لسانك
ولكن القصيدة أكيد لها قصه
ياليت لو تعطينا اسباب قولة القصيدة
وجعلك تسلم يالاسعدي

[فواز الشيباني]

صح لسانك
ولكن القصيدة أكيد لها قصه


الله يعطيك العافيه

[ضحيان]

قصة القصيده لا تحضرني حاليا ولكن بمشيئة الله سوف احاول قدر الامكان جلبها




شاكرا ومقدر للأخوين

حافي نت

فواز الشيباني

[ابـن نـعـيـس]

صح لسانك
ولكن القصيدة أكيد لها قصه


الله يعطيك العافيه

التوقيع

[تاج السلاطين]

أساعده من روق فزعة عتيبـــــه ** الورع منا عن ثلاثين رجــــــــــــــال
ماحدنً تهـقوانا واخذها غليبـــــه ** الله مسلطنا على كل من عــــــــــــال

ونــــــــــــــعم والله بالاد روووق

صح السانك اخوي ضحيان وصح لسان الشاعر حمــــد

وتسلم يمينك ع النقل الرائع

وننتظر مناسبة القصيده من معاليك

تحيااااااااااااااااااااتي

[الوليد العتيبي]

صح لسانك

يعطيك العافيه

ياغالي

[أبو صقر]

السلام عليكم . القصه تتضح من القصيده فهو يقصد
مثيب الأسعدي الذي اخرج كتاب استبعد فيه الكثير من الأساعده وبعد اجتماع الأساعده
وتدخل ابن محيا وابن ربيعان اوقف الكتاب القديم واخرج الان كتاب جديد فيه محضر اعتذار بالإساءه
وفيه جميع الأساعده الأصايل المعروفين لدى عتيبه والقبائل الاخرى
والمذكورين ايضا بكتب الأنساب من كتاب عتيبه وغيرهم

تحياتي.................

[عتيبي و أفتخر]

السلام عليكم . القصه تتضح من القصيده فهو يقصد
مثيب الأسعدي الذي اخرج كتاب استبعد فيه الكثير من الأساعده وبعد اجتماع الأساعده
وتدخل ابن محيا وابن ربيعان اوقف الكتاب القديم واخرج الان كتاب جديد فيه محضر اعتذار بالإساءه
وفيه جميع الأساعده الأصايل المعروفين لدى عتيبه والقبائل الاخرى
والمذكورين ايضا بكتب الأنساب من كتاب عتيبه وغيرهم

تحياتي.................

صح ياسطام ومشكور

ضحيان

[نداوي هوازن]

الله لا يجزاك بالخير شيبه
عرضتني قيضية ما به ظلال
*********
الدرب الاقشر والخطا وشتبيبه
بين اللحم والعظم سويت مدخال
********
حنا مواكرنا براس الجذيبه
والنا على روس الشواهيق منزال
********
اساعده من روق فزعة عتيبه
الورع منا عن ثلاثين رجال


----------------------------
تسلم يا ضحيا ن وصح لسا الشاعر حمد الاسعدي