وأبحث عن اللي وافياتٍ أشبورة

[العارف]

السلام عليكم

لقد وصلني رسالة من أحد الأصدقاء فيها محاولة شعرية يشكي فيها بعض الأمور فكتبت هذه القصيدة مجارة له

اليكم القصيدة

حي الكلام اللي لفاني منوّر = من قو نوره وضحاتٍ سطوره
من واحدٍ من عادته ماتهوّر = يعرف مجال الشعر ويعرف بحوره
يقول يالعارف زمان التطوّر = أصبح علينا يا السنافي خطوره
قلت له دور في الزمان المدوّر = وأخذ مع العربان دورة ودورة
كم واحدٍ عميان وصار متنوّر = وشاور ومايندم راع المشورة
وخلك عن الزلات حصن مسوّر = مثل البناء اللي عالياتٍ قصوره
ولا الزمان الشين ليا تحوّر= يكسر ولا تجبر بسرعة كسورة
هذاك يسلم منه وهذا تعوّر = والغافل المسكين يفقد شعوره
وأنا على الوافين مازلت أدور = وأبحث عن اللي وافياتٍ أشبوره
ولا أحب من يضحك وضحكة مزوّر = ويخفي وراء الضحكة بلاه وشروره
أنا متصور وانت أيضاً تصوّر = لكن لا تاخذ من العكس صورة
ريح ولا تجعل دمك يفوّر = غيرك من العربان صابة فتوره

وسلامتكم