كنت احسبك توفي معي بالموازين - واثرْك تسعى للعيون برمدها ...

[بدرالهبيري]

السلام عليكم ورحمة الله وبركاته ....
اليكم اخواني هذه القصيده اللتي
جادت بها قريحتي اتمنى ان تعجبكم :

ياللي كذبت وكذبتك طعْمَها شين=في ساعة ٍ زادت بقلبي نكدها
وش حدك الله يرحمك يامسيكين=على خدْاعي يوم روحي وحدها
كنت احسبك توفي معي بالموازين=واثرْك تسعى للعيون برمدها
تمشي معي لكن ْ تمشي بوجهين=تخفي علوم ٍ مايحصْى عددها
ماهيب لا شكه ولاهيب تخمين=هي شوف عيني يوم تنضر كمدها
صديت عني والهدف ماادري لوين =لين اتضحلي صدْتك وش بعدها
شفتك مع الغاوي تبى ناس غاوين=تتبع طيور ٍ ماينومس هددها
غرْوك عذالي بورد ورياحين=ماكن معك الروح موفي عهدها
ماكني اعطيتك من الود عامين =ولاكنْ معك النفس شافت سعدها
أهديتك الورده وصارت بساتين = غير الحياه اللي تعيش برغدها
واهديتني في داخل القلب جرحين=جرح الكلام وجرح فرقى مهدها
من زود حزني صاير الهم همين =لين المشاعر نزف جرحي لهدها
عشت الحياه امشي على حد سكين= في ليلة ٍ من عاشها مارقدها
من لي وانا عايش سواة المساجين= واللي سواتي كل حاجه فقدها
ماعاد فيها لاسلامه ولابين=النفس اضن اليوم راحت بيدها

وسلامتكم
تحياتي وتقديري .. بدرعيد ..

آخر تعديل بدرالهبيري يوم 01-Aug-2007 في 07:21 AM.

[أبو نجر النفيعي]

..

الله الله ..
صح لسانك يالحربي ..
قصيده في قمة الروعه ..
.
ننتظر جديدك ..



أخوك

التوقيع

.....

[ابوبجاد الرويس]

اللــه اللــه

صح لسـا نكــ

وبيض اللــه وجهكـ

[فيصل المسعودي]

الحربي


قريتها لا يقل عن ثلاث مرات

صح لسانك مدد بلا عدد

راااااااااااااائعه

وتأكد اننا في انتظار جديدك


اخوك


النفيعي فيصل

[بدرالهبيري]

الاخ الغالي الشاعر ابو نجر النفيعي
صح بدنك والله يعطيك طولة العمر
وبارك الله فيك الحقيقه رد من شاعر
بحجمك يزيدني شرف بارك الله فيك ..
تحياتي وتقديري .. بدرعيد ..

[عايض بن زوير]

بدر الحربي صح لسانك مليون على هالرائعة

وتقبل تحياتي..ومروري

؛؛؛؛

؛؛؛

؛؛
؛
مقاطي الحجاز

[مرزوق حمدان العتيبي]

..
.
غلى راسي يالشبابي بدر
صح لسانك ... ودام ابداعك
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[بدرالهبيري]

الاخ الكريم ابوبجاد الرويس صــــــح بدنك
وحياك الله يالغالي الحقيقه ردك شرفني
لاهنت على حضورك وسلمت ....
تحياتي وتقديري .. بدرعيد ..

[فلاح المقاطي]

صح لسانك الله يعطيك العافية

[بدرالهبيري]

الاخ الكريم فيصل النفيعي صح بدنك
يالغالي وكل مازادت قرائتك لها كلما
ازددت شرفا ً وتأكد أن اعجابك بهذه
القصيده المتواضعه دفعه معنويه لي
استشف من خلالها حروف الابداع ..
تحياتي وتقديري .. بدرعيد ..