من وين اببدا !!!

[محمد بن رشيد]

اهداء الى الشيخ مرزوق بن لفا الذيابي
*************************************

من وين ابا ابدى واكتب الشعر من وين=وانا اسمـع الليلـه بصـدري قنيبـه
قنيب ذيـب ٍ فـي علـو الضلاعيـن=لج الجبل واهتـز مـن صـوت ذيبـه
كنـه يقـول الليلـه اللـيـل ليلـيـن=وكنـي اقـول اللـي تجيبـه تجيبـه
وبدعـت طاروقـه وغنيـت بيتـيـن=وانـا خصيـم القـاف وانـا طليبـه
والشعـر سيـف ٍ فالمواقـف بحديـن=ومـا ينعديبـه فالطـلـب ينبديـبـه
ويازيـن نظمـه فالرجـال المديحيـن=اللـي يحلـون الامـور الصعيـبـه
هذاك ابو خالد علـى العسـر والليـن=ريف الضيوف وعـون مـن يلتجيبـه
مكرم ضيـوف الله لياجـوه ناصيـن=وعنـد العـرب لـه مقدريـه وهيبـه
كرم وحسـن اخـلاق والاول الديـن=وياطيب من مبني على الديـن طيبـه
ان مر ذكـره قالـوا النـاس نعميـن=من شبته ليـن اصبـح اليـوم شيبـه
اخـو حنيـف ونعـم والله ملايـيـن=بحنيـف واخوانـه ومـن يعتزيـبـه
رفيقـي الوافـي طليـق الحجاجيـن=عـز القريـب اليـا اعتزابـه قريبـه
وقت الطلـب يفـزع ووقفاتـه اتبيـن=ولا يلحـق المقفـي بنمـه وغيـبـه
له فزعة ٍ تستـر مـن طيبهـا العيـن=ولـه وقفـة ٍ عنـدي تعـادل كتيبـه
وعندي على قولـي شهـود وبراهيـن=وهذي تـرى ماهـي عليهـم غريبـه
اموثقـه بالفعـل بشـهـود عدلـيـن=من حـرب والا مـن قبايـل عتيبـه
من روس قـوم ٍ فالمواقـف شجيعيـن=تاريخهـم مافـيـه شـكـه وريـبـه
الاد ذايــب طيبـيـن القـوانـيـن=ضد الحريـب اللـي يعـادي حريبـه
وربعـي ذوي زراق لطـم المعاديـن=وزبن الدخيل عـن السنيـن العصيبـه
عدونـا نسقـيـه مــر الامـريـن=باللـي مضاربهـا العظـام الصليبـه
وخوينـا نبقـا مـعـه دوم وافـيـن=ونبشـره بالنصـر عقـب الغليـبـه
وفي راينا نشبـه صفـوف المصليـن=وعـن فعلنـا لاجيالـنـا ينحكيـبـه
وان جا اختلاف وعود الـراي راييـن=ناقـف لصكـات الزمـان الرهيـبـه
يشهد لنـا التاريـخ والنـاس داريـن=انـا طبيـب اللـي يـدور طبيـبـه
وانـا ولـد شيـخ ٍ يعـدل الموازيـن=يـوم ٍ ولــد الــلاش مايندريـبـه
شيخ ٍ رقـا للمجـد والمعرفـه ليـن=وصـل بفعلـه للنـجـوم الرقيـبـه
بنا لنـا مجـد ٍ مثـل سـور برليـن=ومثبتـه مابـيـن مـكـه وطيـبـه
واكبـر دليـل اننـا مابيـن الحرميـن=ننعـم بأمـن وسـط البـلاد الحبيبـه
وختامها قولـوا معـي قولـوا آميـن=انـه علـى مـاقـدم ألـنـا يثيـبـه

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com

[عمرالروقي]

صح لسانك يابن زراق ولاهنت
ونعم فيك وفي ربعك
..........
لاتبخل علينا بالجديد

[معلا إبراهيم الأسعدي]

صح الساااااااااااانك

التوقيع

[الاد الكريزي]

الله على الابداع
صح لسانك
كفوووووو

[محمد بن رشيد]

عمر الروووقي هلابك يالغاالي

مرووورك شرف لاعدمتك

لك كل التقدير والاحترام

[محمد بن رشيد]

شامان الاسعدي

هلابك يالغالي الف شكر لمرووورك الكريم لاعدمتك

تقديري

[عبدالله الجـــذع]

صح لسانكـ مليون ..


ونعم بالذيــابي وبالزراقــي ...


ودمتم بخيـــر..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد بن رشيد]

الاد الكريزي

ياهلا ويامرحبا يشرفني مرووورك يالغالي

لك كل التقدير

[ابراهيم الزراقي]

وانـا ولـد شيـخ ٍ يعـدل الموازيـن=يـوم ٍ ولــد الــلاش مايندريـبـه
شيخ ٍ رقـا للمجـد والمعرفـه ليـن=وصـل بفعلـه للنـجـوم الرقيـبـه
بنا لنـا مجـد ٍ مثـل سـور برليـن=ومثبتـه مابـيـن مـكـه وطيـبـه

بيض الله وجهك على القصيده الجميله ولاهي غريبه منك شاعر مبدع ويستاهل الممدوح... والله يرحم الشيخ رشيد بن خلف الزراقي ويطول عمر عياله ويجعلهم ذخر لكل القبيله

آخر تعديل ابراهيم الزراقي يوم 30-Dec-2007 في 11:31 AM.

[محمد بن رشيد]

عبدالله الجذع

صح بدنك ولاعليك زود الف شكر لمرورك العطر

دمت بخير