نبذه عن الشاعر الكبير/مطلق الثبيتي

[احمد الملاح]

الشاعر الكبير الاسطورة مطلق الثبيتي نبذه شخصيه

--------------------------------------------------------------------------------


الشاعر/ مطلق بن حميد بن احمد بن عنيزان الثبيتي يرحمه الله

الشاعر الفذ ورائد شعراء المحاوره وصاحب اكبر نقلة نوعيه في

تاريخ المحاوره سوف نحاول قدر جهدنا الحديث عن سيرته

ـــــــ

فهو من مواليد

منطقة الطائف عام 1359هـ1940م وتحديدا السيل الكبير

ـــــــ

دراسته


أ) تخرج من كلية الشريعه والدراسات الاسلاميه بمكه

المكرمه عام1385هـ

ب)ابتعث الى بريطانبا وحصل على شهادة الماجستير من جامعة

مانشستر

وموضوع رسالته(التجديد والتقليد في الشعر العربي الحجازي

المعاصر)

المناصب التي تقلدها
ـــــــــــــــــــ
1)عضو هيئة التدريس بكلية الشريعه بجامعة ام القرى

2)سكرتير مجلة الداره الي تصدر عن دارة الملك عبد العزيز

بالرياض0

3)الملحق التعليمي بسفارة المملكه العربيه السعوديه بالسودان

4)رئيس قسم البحوث والترجمه وقسم تطوير المناهج بوزارة

التعليم العالي

اصداراته للمكتبه العربيه
ـــــــــــــــــــــــ

1)ديوان قصائدومحاورات شعبيه 0000شعرنبطي


2)ديوان جراح الامس

3) المغتره سوف يطرح في للاسواق اعداد ابنه المقدم /


فيصل وطبع على نفقة صاحب السمو الملكي الامير فيصل بن خالد


4) ثلاثة كتب مختلفه سوف ترى النور قريبا


5)ديوان اندلسيات0شعر فصيح

وفاتــــــه
ــــــــــــ

انتقل الى رحمة الله بعد مرض لم يمهله طويلا في الولايات المتحده

الامريكيه ودفن بمكه المكرمه في الرابع من شهر ربيع الاول عام

1416هـ

رحم الله مطلق الثبيتي واسكنه فسيح جناته

من روايع مطلق الثبيتي رحمه الله:-





غنيت من زين الطواريق طـاروق
قاف ليـا قلتـه تنشـط طروقـه

لعيون غرو يشطح الشوق من فوق
يا جعل ضدات الدهـر ماتعوقـه

اللي ليا منه تمخطر مـع السـوق
يعمى بعينه كـل عيـن سروقـه

ماهو بمن برقا ولا هو بمـن روق
يشـدى لغصـن لينـات عروقـه

طب لقلب من هوى البيض محروق
والسعـد قدامـه وتحتـه وفوقـه






محاوره بين عمالقة الشعر مطلق الثبيتي وعبدالله المسعودي رحمهم الله:-





المسعودي:

هلا مرحبا يامسهلا واكثر الترحيـب
وانا من هل الديرة ولاني بها منكـور

أباخذ علوم الطرقي اللي يجي ويغيـب
لعله بعد عيش البداوة طلـع دكتـور

مطـلـق:
يدوم البقاء ياذيب ياللي زهمت الذيـب
عيونك كهارب نور والوجه فوقه نور

تدور الليال وتابـع المقفيـات يشيـب
وفاح البحر ياصاحبي واغرق البابور

المسعودي:
ابا انشدك ياللي دارس الطب والتطبيب
أخير الدهر ولا هل الوادي المخضور
يقول البديوي جاء على شبرة التلبيـب
واخذ لقمة جرت وكرت مع الحنجـور

مطـلـق:
أخير الدهر للي مصخن وفاضي جيب
ونبت الحياء للي يرد الورود صـدور
انا ماعرف القصة ولاني بعالم غيـب
وانا عارف الجنة مرابي بنات الحـور

المسعودي:
طلبت الله اللي طالبه ماهقيت يخيـب
مادام انه ادخل راعي الجيب والزبزور
علامك تلد العين ياراعـي التهذيـب
وانا لو يطول الليل ماقلتلـك معـذور

مطـلـق:
ترا الرزق ماله لانظـام ولا ترتيـب
الأرزاق زهبة مدفع(ن) كل صبح يثور







**********



هذه المحاورة جرت بين الشاعرين مطلق الثبيتي رحمه الله وصياف

الحربي بحضور صاحب السمو الملكي الأمير سلمان بن عبد العزيز يحفظه الله







صياف/


ياسـلام الله ودار العـز مرفـوع علمهـا
عقب شعشع نورها والظلم حال العدل دونـه



الثبيتي لو اقـول اقسـم عيونـك ماقسمهـا
والتفت فيه بنظرة حسـد ويطيـر عيونـه

مطلق/



يحفظ الله الجزيرة والشجاع اللـي حكمهـا
مثل قصر ثابت السيسان واخوانه حصونـه



صاحبي صيـاف ينهبهـا وياكلهـا بدمهـا
ليتها ماتاصل الحنجور تنشب فـي سنونـه

صياف/


المطية ماتقاود غيـر مـع رجـل خطمهـا
لو يضيع خطامها من طردها كثرت غبونـه



انت اشوفك تفرس الصيدة وتاكل من لحمها
والخوي لاضيع القانـون قامـوا يشمتونـه



مطلق/


المطية خلها فـي الـدرب لاتكتـم نسمهـا
واحترص من غضبة الجمال لايضربك شونه



كل حية سمها فـي بطنهـا سديـت فمهـا
وان لقيت الوعل ابو قرنين اطقه في قرونـه



صياف/


اكثـر العربـان يلزمهـا وكنـه مالزمهـا
ثم راح من الزعل يمشي ويقطع من ردونه



انت مثل العقرب اللي تخلع الناس بوحمهـا
مار جاها قاريُ شاطر دهنها مـن دهونـه

مطلق/



ماعليه من عجوزك كان ماضـوت غنمهـا
وان زعل صياف جعل اللي وراه يحول دونه




امس يبني عشته في الضلع واليوم يهدمهـا
والهبايـب ماتهبـه والطراقـي مايجونـه



صياف/


الله انه ينصر السنـة ويظلـم مـن ظلمهـا
والعرب مايطحنون الحـب ليـن يفتشونـه



لو تشوف العشة اللي صاحب الخبرة حزمها
فوق ضلع كل ماطاح المطر تثمر غصونـه




مطلق/


الآشارة فآخر الشـارع بصدامـه صدمهـا
الونيت اللي قديـم وكـل يـوم يوظبونـه




المنايا ياوسيع العـرف مايخطـي سهمهـا
مارخلك صالـح النيـة وعمـك لاتخونـه




صياف/



القلوب العمي خل الذيب ياكل مـن شحمهـا
والونيت اللي يسوقـه صاحبـه لاتقربونـه





ليت بقعاء تلمس الرمضاء وتاكل من قدمهـا
وانت يابو راس راسك ماتغير عـن متونـه




مطلق/




العيون اللي تهـل دموعهـا منهـو لطمهـا
لو عرفته كان خليـت الجماعـة يحبسونـه



المطية يوم ريض مشيها محد( ن ) نهمهـا
لو نهمها كان تاصل مطرح (ن)ماتاصلونـه





منقول للأمانه

[خـالد الحافـي]

أحمد الملاح

الله لايهينك على هالنقل والمجهود الطيب

والله يرحم مطلق ويسكنه فسيح جناته


لاهنت

[الكينج]

بسم الله الرحمن الرحيم
السلام عليكم ورحمة الله وبركاته
مشششششششششششششششكووووووووووووووررر
على النقل

[احمد الملاح]

مشكور لاهنت على المرور
اميــــــــــــــــــــــــــــــــــن

[احمد الملاح]

مشكور اخوي الكينغ على المرور

[نايف بن صلال]

فرق واضح بين محاورات زمان ومهاترات اليوم

[احمد الملاح]

والله صدقت اخوي نايف ونتمنى يعود زمن اول ومشكور على المرور

[نمـــر عتيبة]

الله يرحمك ياأبو فيصل بحر المعنى

[واسفاه]

الله يرحمك يامطلق
كان مهتم بالموروث الشعبي لاهل السعوديه