حبيب ومستور

[معجب العتيبي]

حبيب العازمي:

أنا ومستور ربع ومثل الإخوان

لكن هذا السنة ماني بداري

والسر موجود في خاتم سليمان

ولا قراه سلمي والا مطاري
مستور العصيمي:

هذا منول لكن اليوم يافلان

حطيت لك يا حبيب عم غاري

رفعت راسك وصار الجيب مليان

والا منول تقيل فالكباري

حبيب:

انته متى جيت عمي يا كحيلان

عمت بك اللي تهبد فالغداري

هذا جزايه وتقديري على شان
حميتكم من سواويق اللواري
مستور العصيمي:
واسمع كلامي وعوذ كل شيطان

قلدتك السيف الابيض والسواري

الطيب اللي يدينها ويدان

يوم المغازي وحافية السماري

حبيب:

يا ربعنا اللي ورى عبلة خساران

ياليتكم تشربون من الخباري

ياما وياما وياما كان ماكان

وابوهريرة على جنب البخاري
مستور:

ياربعنا اللي حوالا ضلع هكران

معزلين الخناجر والشباري

العازمي فك له للشر بيبان

دوب استوت للبيوع وللمشاري

حبيب العازمي:
يالتاجر اللي وراك الفين دكان

والفين عامل يشيلون الهواري

اتحدنا لين تشرب مر مران

مران مره يصيبك بالهذاري
مستور العصيمي:

ياربعنا كنكم صمان عميان

العازمي صار ذالليل انتحاري

[علي فلاح العضياني]

مشكور على النقل الرائع وبيض الله وجهك يابو سلطان

التوقيع

(( رأس الحكمه مخافة الله ))

[هايل الهيلا]

مشكور على النقل يابو سلطان ويعطيك الله العافيه





وتقبل تحياتي

[بدر الديحاني]

محاوره قويه من معانيه وجزالته

الله داركما يابا تركي ويابا فيصل

تاج راسي معجب العتيبي يامال الغناه يالغالي

امتعتنا فـي هذي الرائعه

أخوك ابن مطير (( بدر الديحاني ))

[عبدالرحمن الهيلوم]

ابيض وجه يابو سلطان

[روح جاي]

مشكور على النقل يابو سلطان ويعطيك الله العافيه

[خلف الروقي]

الله يعطيك العاااااااااااااافية

[محمد العتيبي]

لاهنت يامعجب ماقصرت ..

التوقيع

للتواصل عبر twitter تويتر al_bargawy@